107 年全國語文競賽原住民族語朗讀【賽考利克泰雅語】 國小學生組 編號 3 號
kawngun na laqi’ ka turuy

sraral mga, maki’ qutux qu lawkah iyal mngilis na laqi’, ana naha’ si say nanu’ zmimu’ ni yaya’ niya ki yaba’ niya’ ga ini’ naha’ thzyazi zmimu’. sawn kasa lga maki’ qutux ryax, musa’ mkaybuw yaba’ niya’ musa’ tatak na lhlahuy.  nanu’ tayhuk mlhngan lga, t’aring mqwas kwara qu qbhniq ru qsinuw la. 

yasa aki’ t’aring mngilis qu laqi’ qasa lga, pawngan naha’ cyuw mqwas uzi qu Turuy la, qthuy iyal qu hngzyang niya’ ru wal si pnrrawq, kinhngzyang niya’ ga maymaw tgtuw kwara’ qu rhzyal, sikta qu yaba’ na laqi’ qasa ga, ’mutun niya’ na tluling qba’ niya’ qu nqwaq nya’, sinbbaq niya’ sa laqi’ maha laxi p’nghngzyang. ktan qu laqi’ qasa lga, cyuw maymaw mblbil rngu’ niya’ mngungu’. sawn qasa lga, maras patus qu yaba’ niya’ halan niya’ gmawzyak qu cyuw mqwas qbhniq qasa, ini’ qbsyaq lga, cyuw maha “ Pa~x! ” matus qu yaba’ niya qasa la.

’niyal qu yaba’ niya’ lga, niyuw niya’ rasun qutux qu yan balay kwali’ kin-krahu’ na qbhniq, ru talagay kwali’! talagay kwali’! maha rngu’ mqas qu laqi’ qasa, aw’ ga kmayal qu yaba’ niya maha iyat kwali’ qani hya’, qani hya’ ga Turuy lalu’ nya’! kta muri! Mtnaq kin-krahu’ sa kwali’ qu hi’ niya’ ga, ini’ ptnaq tunux niya’! yan tunux na pupuk qani hya’.  skbalay kay’ ni yaba’ niya’ maha Turuy qani hya’ ga, giway ya’qu lawkah mngilis na laqi’ qu niqun niya’ hya’, sawni’ qani ga yalaw nyux mwah mluw laqi’ qani ru yasa qu mwah sqani uzi qu Turuy qani la! aring kya lqu ini’ ngilas lqu laqi’ qasa la.

Turuy qani hya’ ga ini’ kta iyal misuw qani, sraral ga min pzyux balay ha, nanu’ qu nbkis sraral ga, mutuw ya’ qu Turuy qani qu ssngungu’ naha’ sa lawkah mngilis na laqi’ ru si giway mngilis ini’ abi’ na laqi’ sraral.

107 年全國語文競賽原住民族語朗讀【賽考利克泰雅語】 國小學生組 編號 3 號
孩子們所害怕的鵰鴞

以前有個愛哭的孩子,不管他的母親跟父親怎樣哄,也沒有辦法安撫他。

有天,孩子跟著父親到山上,到了晚上,所有的夜鳥和野獸便開始鳴唱起來。當孩子正要哭時,聽到鵰鴞在鳴唱的聲音,那聲音又粗又低沈,只見孩子的父親用手指閉住嘴巴,暗示孩子別出聲,孩子一直發抖,父親帶著槍去獵取正在鳴叫的鳥,不久後發出一聲「啪!」父親開槍了。

回來時,帶了一隻如老鷹般大的鳥,父親說:「這叫鵰鴞,跟老鷹一樣大,比較像貓頭鷹。」

然後,父親又說:「鵰鴞專門吃愛哭的小孩,今天愛哭的小孩跟來了,鵰鴞也跟來了。」從此那個孩子再也不敢哭了。

以前曾經有很多鵰鴞,老人都會以鵰鴞來嚇那些愛哭的孩子,現在已經不常見到鵰鴞。

 

文章資訊
文章年度107
文章編號3
文章組別國小
文章語別賽考利克泰雅語
族語標題kawngun na laqi’ ka turuy
漢語標題孩子們所害怕的鵰鴞
文章作者黑帶巴彥
漢語摘要