107 年全國語文競賽原住民族語朗讀【宜蘭澤敖利泰雅語】 國小學生組 編號 3 號
skayan nha hongu lutux

mbkis ta Tayal tehok ’osa naha cinbwanan nku lutux bkis ga, siga mhenas hongu-lutux kwara naha. ungat ana ima thoyay mhenas hongu-lutux haca. baha mcwa, maki lutux bkis cyu mlahang beh tunux hongu-lutux, nanu yaca ku ungat ana ima thoyay mhenas. lutux bkis ku mwah cmpung kwara pntyawan ta ru inlungan ta maki babaw uraw.

maki beh tunux hongu-lutux ga cyu kya utux sali, cyu mnaga pcpung ita kwara c’oli, iyat ga ya’eh c’oli, ini ga myasa c’oli. thoyay mwah pcpung ga siga wa rima wayan mho’ing, kwara ku mwah pcpung ga myasa c’oli ru slux lungan naha myanux babaw uraw lela.

ana ima mosa alang lutux bkis ga, wa mhenas hongu-lutux lga, ba’un naha ci mita ima ga myasa likuy, ima ga myasa nerin. kya ku myasa c’oli ga mosa si ble mhenas hongu-lutux. mha maki c’oli ini ba’i pcpung ga, lman naha matas sumi bulit tluling nya ru coman naha, ima ku ini ba’i cmong ga yaca ga myasa c’oli. nanu yaca ku pwahan naha hongu-lutux ru mosa kura alang si tl’ux myanux nku cinbwanan na lutux mbkis.

107 年全國語文競賽原住民族語朗讀【宜蘭澤敖利泰雅語】 國小學生組 編號 3 號
彩虹橋的故事

當泰雅族人要走向祖靈的世界時,都必須通過神靈之橋,但沒有人能夠任意地越過此橋,因為在橋頭的地方有祖靈們日夜鎮守,而把關者的任務是要審判族人在世上一切的行為。

在神靈之橋的起點,有一棟等待審判人們生前邪惡與善良的房屋。審判者的身份是由祖靈來擔任,他們都是過去在人世間良善正義的人。

凡是要走向祖靈世界的人,只要經過彩虹橋,一看便知道他們究竟是好人還是惡人,如果是良善的人,就能夠輕鬆地通過。若是在審判中有懷疑,就要在手指塗上炭灰,然後再試試看能不能擦掉,只要是不會脫落的,就是良善的人,就能走過彩虹神靈之橋,迎向永遠的祖靈世界。

文章資訊
文章年度107
文章編號3
文章組別國小
文章語別宜蘭澤敖利泰雅語
族語標題skayan nha hongu lutux
漢語標題彩虹橋的故事
文章作者林約道
漢語摘要