106 年全國語文競賽原住民族語朗讀【雅美語】 國小學生組 編號 2 號
mavaheng so panid

no kakowa pa am, Amyan so mingaran syapen.lalitan a rakowa rarakhe. Amyan so maci vahey jiya adowa ka apo na. rakrakhe am mingaran Si Masagaz; ananak am mingaran Si Masikep. mandey so ararow a maciheza do akey da mangey do keysakan na maneysavat.

ka asarow am, mangey maneysavat sira miketeh, to da cita do libtong o adwa ka among, ka oli da nya pacitaen do akey da, maniring o akey da am, alibangbang o ngran tamo sya.

ni padengdeng da do sinavat da o alibangbang, a ka yakan da ni ya. ji ni miyahaey a ka picyanokanoka da malama, ka picyatotoing na do keyliyan da. 

kadadayan no arow am mitateynep o akey da, maniring do tateynep na o mavaheng so panid alibangbang am, “ No makahap ka mo so alibangbang am, ji nyo pacizavoza do meycyamadadayan na among kano iseysavat nyo a dengdengngen, ta si yakan nyo am picyanonokaen na kano peycyhengeyngenen na inyo! ”

ikadowa na arow am, ni omhep o akey da ni mangey do yabnoy, macita na do apet no wawa o mavaheng so panid alibangbang, maciyangey do tateynep na.

Maniring o mavaheng so panid do rarakeh am. “ o among no rayon am, yamiyan so kowan ji yaken na mavaheng so panid; kano sosoowen, papatawen, kalalo, loklok. ”

no mirayon ka nyo simakowa am, malovot ka mo asa keyli a mahakey a miyayob, ka pivolavolangat kano tamtamek nyo, a somazap so karakowan no wawa, tomawag ji yamen.
mangdey so ka kawakawan na mirayon o rarakeh, tomawag
do among no rayon. ka pilimwang na do ka pongson ta, to miyonong a mai sicyakowa ya.

106 年全國語文競賽原住民族語朗讀【雅美語】 國小學生組 編號 2 號
飛魚王

在好久以前,有一位老人,名字叫「拉伊旦」。他有兩位非常勤勞的孫子,哥哥叫Masagaz;弟弟叫Masikep。他們倆每天都會和他一起到海邊抓魚和拿海菜。

有一天,兩個兄弟在晚上拿著火把捉螃蟹時,在潮池裡看見了二條長著翅膀銀白色的魚。於是,就將魚捉回家給爺爺看,爺爺說︰「我們就叫它飛魚好了!」

爺爺和孫子們全家當天把飛魚和一些螃蟹混著煮來吃。幾天之後,每個人身上都長出了又大又痛的膿瘡,並且傳染給部落裡的人。

沒多久,爺爺做了一個非常奇特的夢!夢裡一條長著黑色大翅膀的飛魚和他說著︰「以後你抓到飛魚,不可以和其他的魚、螃蟹一起煮!否則吃了會長出一個比一個還大,一個比一個還痛的惡瘡!如果你還想知道更多的事,就請你明天到do yabnoy來找我!」

隔天一大早,爺爺就到do yabnoy,果然從海面上看到一條好大好大的黑翅飛魚,爺爺認出來了,那個就是昨天托夢給他的飛魚王!

飛魚王就和老爺爺說︰「除了像我這樣的黑翅飛魚以外,還有紫斑鰭飛魚、白鰭飛魚、細頭飛魚、點斑鰭飛魚。」

還有,以後要是到了飛魚季的時候,不管是大人還是小孩,所有的男生都要穿上美麗的衣服,戴著金片和銀盔,面向大海召喚我們。

老人遵守著飛魚王的指示召喚和捕抓飛魚,不敢違背,到現代為止,蘭嶼島上各部落都還遵守著這些約定。 

文章資訊
文章年度106
文章編號2
文章組別國小
文章語別雅美語
族語標題mavaheng so panid
漢語標題飛魚王
文章作者胡龍雄
漢語摘要