107 年全國語文競賽原住民族語朗讀【霧台魯凱語】 高中學生組 編號 4 號
kacekelane ki becenge

kay Ngudradrekay, lu kaungu lu pautaleke, singikay ki caicaili ki dramadramare ki vai, paubalribalrithi lredreke pautaleke. kay Ngudradrekay kaika satalekane, malrigili paukalra paudrwa ku taleke, lakathathatha ku tapangimiamiane tuakaneane ku lataleke.

ku makucingalre ku katalekane si kanekanelringa lini, la kay amani kay becenge, urasi, tai, lapanay, lalacenge, belebele. ai, ku makuciacingalrenga amani kay becenge. asiluiyane, kay becenge, katalekane, yakay ki lrisi, twalrubu, twacinabucabu, twaabay, twakeceegane, twabava. Sarakeraketane, sararukurukudrane, saarakayyane apatumatumane. luka kalabecengne, tangidrakakalane kalalrisiane la iya madu.

sanaka kadrwa ku becenge, kadrwa ku peravane, kadrwa ku paluludane ku nitaracailane. sana ikay ku becenge, makalra ku gathimi, makalra ku mathariri ku kakwakudhane ki wacekecekele, ki retesane ki sakatucekelane. kay becenge, ikay ki tacekecekelane ki Ngudradrekay, amni ku maadradraunga ku murikaikai nay, amani ku sidramadrama nay ku amanilringa kudra katalekane nay.

kay becenge yakay ki kadaengane cebe, amani ku cekele ini. ai, kay becenge ikay ki Ngudradrekay, ikay ki kidremedreme nay, taingeane ka makucingalre ikay ki niake nay panianiake, lakamani ku cekele ki becenge yakay ki niake nay ka Ngudradrekay.

 

107 年全國語文競賽原住民族語朗讀【霧台魯凱語】 高中學生組 編號 4 號
小米的故鄉

魯凱族的傳統產業,主要以農業生產。我們知道在不同季節種何種植物。我們資產不多,但會以少積多,平均農作物,維持家人享用足夠的食糧。魯凱族的農作物,主要以小米、地瓜、芋頭、玉米、一些菜類、香蕉,最主要的是小米。小米在魯凱族的生活裡,是不可或缺最重要的食糧,是任何祭典活動必備的食物。小米豐收時,是魯凱族豐年祭的開始。

若沒有小米就不具任何意義。若有小米,部落的任何活動就很有意義。所有事情,不管是家族、親戚、部落都會平安順利。小米在魯凱族的社會生活中,是我們最主要依賴、期待的食糧。小米的故鄉,當然是它生長的土地。在魯凱族人的心目中,小米佔有很重要的地位,與生活息息相關。所以,小米的故鄉也在魯凱族生命裡。

 

文章資訊
文章年度107
文章編號4
文章組別高中
文章語別霧台魯凱語
族語標題kacekelane ki becenge
漢語標題小米的故鄉
文章作者柯菊華
漢語摘要