106 年全國語文競賽原住民族語朗讀【卓群布農語】 國小學生組 編號 3 號
malmananu nitu vinvavai!

haiza dau ka madaingazin tu bunun nakalumaq icaan ludun daingaz, muqaut laqdutan ni mataing tu lakda. haza dau ka minduduaz tu bunun, laqai dau ka macingav tu, “ pantamaun, na ma a ca ta-uing su? ” antala dau ka madaingaz tu, “ nakalumaq han ti. ” kitngaain dau madaingaz qucia tanga matungtung za lakda.     

sadu dau ka minduduaz tu matan masauqbung ca na tungtung kan, minpanu dau ka minduduaz miliskin, tupaun dau cia ka madaingaza tu, “ madadaingaz,  na lakuaqin kanaqtungan su matungtung? ” musqa dau ka madainga maqaqainan sadu cia, muqnang anquc i tanga matungtung i lakda.

kaupa qanian dau ka madaingaza muncan anian lakda ta matungtung-- antupac valian, luvluvan; tanlabal, qamisan, ni a cia misbu matungtungtung. duzavin dau min atitikic ca mataing tu lakda, maqtuin dau ka dan laqaiban. icanuta madaingac matai ca lumaq.

haiza dua ta-a qanian, muqnang dau ka minduduaz lqai ki in-aniat mataing tu lakda ta, tinquza ca minduduaz sadu. “ qauzuna minmaza ca lumaq hati? laqdutan ni mataing tu lakda hanti tu qabasa? ”

maq dau ka minduduaz a, minmtamasa tu bunun, maq dau ka madaingaz a, minmaduqlac tin ca ngisngis, zul-kutanin mudadan, minmadainga sala.

tupa dau ka madaingaza tu, “ maiduduaz, maca malmananu nitu vinvavai, nitu malaitaz matungtung a, antupa tu madaing tu lakda daingaz, na matu aminu umanu, na maszang su laku tu usizan i manauaz daingaz tu lumaq. ” tinan-a ka minduduaz icia qalinga tu madaingaz a, musu ka cia mulumaq maqamav kuzakuza.

106 年全國語文競賽原住民族語朗讀【卓群布農語】 國小學生組 編號 3 號
堅持到底!

有一位老人要在深山裡蓋房子,沒料到被大石頭擋住了。有一個年輕人經過,他請益說:「伯伯,你在這兒要做甚麼?」老人回答說:「我要在這裡蓋房子。」那位老人便開始鑿那大石塊。

年輕人看著將要鑿開的石塊著實是多麼的大塊,他無法想像,他就問那老人說:「前輩,這座大石塊你何時才能鑿完呢?」那老人只顧著笑看他,然後再繼續地手持鑿器鑿石。

那位老者每天都去那大石頭鑿石晴天、暴風雨天;夏天、冬天,他不停止地鑿石。那大塊石頭終於變小了,路開通了。他在曾經是大石頭那地方蓋了房子。

有一天,年輕人再度經過曾經是大石頭的那地,他看傻了。「為甚麼突然蓋起了房子來了?以前這裡不曾是大石頭嗎?」

那位年輕人已是壯年人了,那老人鬍鬚都白了,拄著枴杖走路,老得很了。

那老人說:「年輕人,如果不畏苦、不放棄鑿石,不論石頭再大,一定會鑿完的。到時候妳會和我一樣有一棟很美的房子。」年輕人聽見老者的這番話以後,他立刻回家認真的工作去了。 

 

文章資訊
文章年度106
文章編號3
文章組別國小
文章語別卓群布農語
族語標題malmananu nitu vinvavai!
漢語標題堅持到底!
文章作者蘇秀華
漢語摘要