106 年全國語文競賽原住民族語朗讀【知本卑南語】 國小學生組 編號 4 號
likulraw zi na trumay

a likulraw zi trumay mu mareka’inavanava a awatr ziya. kana saya wari, maretrevung i dadalan, ’ali’! kemuda zi ’azi ta vavulavulay awa? ’alra ta tratruriyay zi vulaya ta mu, kema mazazayar.

nu kemazu mu tratruriyay ku ziya inku kema na likulraw. ai kema na trumay, palrupe’u nu matra, nu ’azi ku piya mu, ilali’atr tu kuwayaw na likulraw. tu tratruriyay kemavulay na likulraw zi aruwa lra li’atr tu kuwayaw na likulraw.

meliatr na likulraw mena’u mu salaw vulay. semangal na likulraw zi inu lra tu kuwayaw na trumay. palrupe’u nu matra tu kuwayaw na trumay zi trematruri mu, maulep na likulraw zi, kakuda ziya maw kema zi, tu tratruriyay peniya za ’uze’uzem. ’azi lra pauwa izu na zazeli zi, musama’ i taherang a vulretri’ mulikaw kemawan za ’ilras. aruwa lra tu kuwayaw zi, meli’atr na trumay mena’u mu, ’uze’uzem peniya zi ’ilremes pakirev. kemuda zi kemani u ’ali’? salaw u temaraeman kaninku kama zi, malali’us marepakalrawa.

azi kiseker na likulraw zi merengay lra kana trumay, ’ali’! pamelri ku kannu, irayan kannu, i likuzan nu mirawa ku mu, kunuwa sama’anay mu, ninku sasavung za ku pamelriyan kannu kema zi maruwaday lra. kemay kanizu lra, nu mirawa na likulraw ka’azi semama’ veray kana trumay kema tu pauwayan.

106 年全國語文競賽原住民族語朗讀【知本卑南語】 國小學生組 編號 4 號
雲豹及老虎

在以前雲豹和熊非常要好。有一天,在路上相遇,兩個就談論說,朋友!為何我們兩個一點都不好看呢?我們不如將身上塗上色彩讓我們變得漂亮一點。

雲豹就說這樣子的話你先幫我塗上色彩。熊說好吧,閉上你的眼睛,在我沒有塗完顏料不可以張開眼睛。熊就非常用心的為雲豹塗上顏料,就跟雲豹說好了張開眼睛。

雲豹張眼一看非常漂亮,高興的跟熊說換你了,要熊也閉上眼睛開始塗顏料,但是雲豹很疲倦,心想隨便塗塗也無所謂,就將熊的全身塗上黑色的顏料。黑色顏料不夠塗,在熊的胸膛就留下像是白色彎月的形狀。雲豹就說塗好了,熊張眼一看全身都是黑色的非常生氣,就說,朋友你怎麼這樣呢?你欺人太甚了,說著兩個就大打一架。

雲豹不是熊的對手,就告訴熊說:「朋友!是我的錯,對不起,日後我有獵物,我會留給你,算是補償我犯的錯及對你的敬意」兩個才分離。據說,從此以後雲豹,如果有獵物一定會留給熊,就是這個原因。

文章資訊
文章年度106
文章編號4
文章組別國小
文章語別知本卑南語
族語標題likulraw zi na trumay
漢語標題雲豹及老虎
文章作者陳金妹
漢語摘要