106 年全國語文競賽原住民族語朗讀【知本卑南語】 高中學生組 編號 3 號
iawaya mudulrama kana kadadawakan

harem kani siyakay sazu lra izu na pa’ilringan kana padadawakan, sazu kana kemazu na ’emaremeremeng na traatrekelan na tiyam, marayas muvasuk kazu zi semasirep kana kadadawakan kema na ngai, ulra papida na hayyu maranger za tremulretrulr zatu kadadikayan za tu ikasaayhu, zi maruwa pakadalikedik kema zi, maw na patalram semirep kana kadadawakan taw kazalramaw nina kinsas, nu mudulram ziya za padawak zi maranger lra za remetra’ mu, pasalaw kakuwalengan remetra’ inia na padadawak.

sazu na marekamelrimelri a padadawak, kamawan kana anvēitaming, K taming, hongcong, paypan, na palingangaling kana tranguru’ na yawtowan, tama, mavēi, zi na hayloin, nani na padawak maresaresan peniya, nu ngawngaway ta patalram semirep mu, salaw ta dalikedik zi semangal ata piniangeran i savak zi sazu ta piniangeran kamawan za uri wadaway ta, kema ta mapu’angeanger, maw mu, nu malremes ziya izu na padawak mu, payas muteluk atu zazek, iniyan za kezang, ’azi maranger kikarun, nu ’azi semirep masalr mu, ’azi muwai dalikedik, maw izu na magiyan lra.

nani na padawak mu, salaw remanak zata zazek, pakakuwaatreng kanatu inudawayan nanta zazek, parualruwanay nu sawariyan ta lra semirep kana K taming ’azi lra pakaseput kana tu isi’, na patrev mu tu ranakaw ata singkēce, ’azi ta lra pakakuda kanata piniangeran, penungaw mupangdas, ’azi pakadikedikes zatu piniangeran kamawan za kinger elra za lrengaw zi muvavasuk zi venaavutrung lra. mazalram kanani ulra tu kuwatrengan nani mu, maw mu nu uri raretra’ kanini na padadawak, marepazangal remetra’ kana tamaku, nu remetra’ ’azi semirep kana mavēi, hayloing, maherareher peniya tu zazek mukukutr, kiraarutreng, pureungeungetr pureuleule’, semeneng salaw kana pazangal remetra’. say nu muimeng lra nu mupatreran mu, ’azi pakaretra’ kanizu na padawak.

nani na kadadawakan mu, salaw pazangal atu trima’, nu uri aekan ta kinasayawariyan aruwa makapida kuzulr palru kana pida kuzawan paisu, inta na zuma lra na ’azi mikaazu mu, ’azi ta pakatrima’. maw izu na kazuwan lra na kemazu pakalikudan lra mu mutrima’ lra tu ’uma, tu ruma’ tu pinizuwa, iniyan lra za karaemaemana, maw izu na ma’araw lra kana trau, trematrakaw za eman ziya, nu melri mu tu naniwananay lra tu zazek tu tratrima’ kana padadawak.

106 年全國語文競賽原住民族語朗讀【知本卑南語】 高中學生組 編號 3 號
別碰毒品

社會充滿了毒品的誘惑,許多夜店、酒吧經常發生客人吸食毒品;也有藝人以增加靈感、提神為理由,嘗試吸毒遭到警方查獲。

毒品的種類很多,例如安非他命、K他命、搖頭丸、大麻、嗎啡、海洛因等,這些毒品一開始吸食時感覺身心愉快,但毒性消失,頓時感覺心情低落、全身無力,只有再次吸食才能維持身心的愉快感覺。

毒品會毀壞身體器官,長期吸食K他命會造成小便失禁,更嚴重會破壞神經中樞,無法集中精神,產生幻覺幻聽。然而戒毒比戒菸還困難,一旦停止吸食會全身發抖、打冷顫、身體捲曲、流鼻涕眼淚,甚至有人進出監獄多次仍是戒不掉。

毒品一天的費用要幾千元到幾萬元,並非一般人所能負擔,因此許多人最後傾家蕩產,有的更淪為小偷、強盜或出賣自己的肉體。

毒品就在身邊,甚至已經入侵到學校。毒販利用學生的好奇心,引誘他們吸食,上癮後就變成下線,替毒販賣毒品給其他學生。因此絕對不能好奇的嘗試,也不要隨意抽他人給的香菸,或者食品飲料。 

文章資訊
文章年度106
文章編號3
文章組別高中
文章語別知本卑南語
族語標題iawaya mudulrama kana kadadawakan
漢語標題別碰毒品
文章作者陳金妹
漢語摘要