107 年全國語文競賽原住民族語朗讀【東魯凱語】 國中學生組 編號 4 號
likolraw

ko nadroma yakai ka likolraw si konai ka swa Drekai kadro wa kanekane sa likolraw, twalisiya saka thotholro lro wa walro’o lra motokolo, kwadra lro ’amolri kwang wa ’asalisiyana molrisi lra ala kola’ai mala idra langici si idra valrisi, si lro ikai mita ka cekecekelre ka maboy lro sira’alre sa kadrwana siyavalrisi, kata amwa ’a’iya wa sarareta si bai sa droma ’asi ’ana, lra wa ma la si’ana si alakola’ai idra langici si ala idra valrisi, lro kelra ilroko ’obaliyo ’iyakaiyana lalawa, si ’adawlro idra marodrang idra maligilri ’asalisi, si lro maka’asalisi, kadro maladalo modane amwa makakai ’alakwa, lra ikaidra marasikai idra langici lrwa kace si ’avay si ala movalrisi, lro karedamenga kwadra ’inava ivaiya ai ’asalisiyana lrai kalralreketenga dwavace modane, si kai taikaiyaneini ki maka’iyalre kai cekecekelreini, lra wawa bwai sa akanea neini kadroi kalralrekete modaane twalisiya.

si kaivai lro dare’enga to karingiyalrai, wa silra’e idra maligilri dware’e kwadra lanici ka twa ebelre, kai valrisi ai dare’e sa ’agagiring to ’agamoco, si lroi dare’e ai ’ikai lalawa todadane sa ataikaiya dware’e, si kotaka dromanga kata amwamwa twalisiya, asi lroiyata ai molisita sa likolraw ai kathotholrota, lra mokolrodrota mwa ani ’a’iy lro daredae’e, si lro le’engenga ai ’asalisiyana molrisi lrai kalralreketenga sikaringiyalray. 

 

107 年全國語文競賽原住民族語朗讀【東魯凱語】 國中學生組 編號 4 號
雲豹

魯凱族禁忌吃雲豹,吃了會氣喘。去打獵時,看到雲豹掉進陷阱還要拜拜。若要拿掉不吉利的事,還是得殺雲豹,拿皮跟牙齒。如果一家有懷孕的、有還沒長牙的嬰兒,就無法靠近,要裝作不知道,不管雲豹,留給別人當成是別人獵到,讓他們拿皮跟牙齒。拿皮跟牙齒回家也要在野外拜拜,找很會拜拜的人處理,再到集會所處理皮跟牙齒。

等到牙齒跟皮全部曬乾後,還要再拜拜,處理掉不吉利的才能回家。在這期間,家裡的人要送吃的東西給他。這些東西,如果要做成獸皮或服裝、頭飾,要找會做的人處理。要做的時候,要在野外小工寮做。如果做完,要拜拜後才可以戴上去。

文章資訊
文章年度107
文章編號4
文章組別國中
文章語別東魯凱語
族語標題likolraw
漢語標題雲豹
文章作者林得次
漢語摘要