106 年全國語文競賽原住民族語朗讀【東魯凱語】 高中學生組 編號 1 號
twalralrake

yakai ka lramalriyalri lra mwarairai’i tolavai, si lra ikai ka maboy kiya ’aele morai’i si lra moka tolralraka nenga, si kadrwana kiya’abala idra tato lralralraka si ai taw tolralrake ka thadaini, lra davace to’ala ki lrarai’ilrini, sa ’adalo nga si tato kodralriyalriya lrokai kiyangeang ki barangeini , lra ala idra karadrare ini si davace si kai thingalre sa wa dravace mo baliyo, lrai tokodralringa si kadrwa lra ceelre si kadrwa ka lramanema neini, wa davace mo baliyo lra iya ko lra rai’ini si, kwadra maboy sa kaiyana kelra baliyo lra kiyangeang ki barangeini ai tolralrake, lrakai thingalre sa ai ywa ino lra davace mothilri kaelea, mwa idra obolra tolralrake sa motalrivaivai kwadra lralrake, lra kai thingalre sa ai ’ikakwa na ala li’oco lroiya, mathorare lra kasegerare si kadrwa ka omase ka wa libalibate, naw sarare si davac mobaliyo si ceelre sa omase ni kelra mala lraiya, si lra ala idra yaini ka sokono si ’awa kobo si davace.

lra kelra daane si kadrwa ka natangea nga ka omase, lra kidolo ki ta dadavaca neini naw a’ea’ea’eceana tako adradraw sa omase ki sakadrosalri lra, wa mothigai si maladalo drimiti, sa mobalibaliyo kwadra mwa omawma kiyalalra sa tobitobi ka ledelede, bababala mita lraiya si malabwabwalre mobere, lra kelra kwadra kaingolrini so a’ece macaemeso lraiya, lra ’ekake ceelre si kasalemesemenga lra mokolrodro kawriva sa kelranga ko salongoini, so kelra maladalo wa’ece macaemeso lraiya lra kawrivanga, twa lralrakako lra sararako’ikai’akaidra lraiya lra davace tarwawng tarodrosa ki takaini, siyoralre si mwa ceelre si ababonga nenga ’wacay.

106 年全國語文競賽原住民族語朗讀【東魯凱語】 高中學生組 編號 1 號
生孩子

有一個婦人,跟很多人一起工作。快要生孩子時間預產期)。因為她還沒有生孩子經驗過,第一次懷孕,是第一胎。仍然跟著大家一起去工作,忽然,她感覺到快要生孩子,就沒有跟工作的人講,也沒跟先生講,然後就一個人偷偷跑回去,大家都不知道她有回去。中午吃飯時,大家沒有看到她,也沒有看到她的東西,猜想她大概有回去。懷孕的婦人還沒有到家的時候,半路就開始痛了,要生孩子了,不知道要去哪裡。她就跑離馬路,到有草的地方生孩子。當小孩子出來的時候,她不知道該怎麼處理包起來。她想把小孩包起來,但是小孩子滑滑的,讓她感到很噁心、很害怕。因為也沒有別人在旁邊。她只好放下孩子打算先回家,看有甚麼人可以幫忙帶孩子回家。她把圍巾將小孩子蓋起來,就回到家裡時,卻沒有任何人在家。

因為生孩子很累,她還沒等家人回家,並告訴先生要接孩子回家,就睡著了。黃昏時,工作結束後的人,聽到小孩的哭聲,好像鬼的聲音就跑了。奶奶問婦人:「為什麼睡是生病嗎?」因為,她睡著了,就嚇一跳,已經是黃昏,很怕講出她有生孩子。等先生回來時,問她為什麼睡覺是生病嗎?她才跟先生講她有生小孩了。她的先生跟哥哥帶著火把去看,發現小孩子身上已經都是螞蟻,小孩子已經死掉了。

文章資訊
文章年度106
文章編號1
文章組別高中
文章語別東魯凱語
族語標題twalralrake
漢語標題生孩子
文章作者林得次
漢語摘要