105 年全國語文競賽原住民族語朗讀【卓群布農語】 國中學生組 編號 4 號
Katu silaluan bazbaz

Han qabas haiza dadusa mantan maluan tu bunun, maca tatini a bananaz, maca tatini a binanau-az, malbubuntu ca dusa bunun mangki mintutuc silaluas bunun.

Haiza tas-a qanian, muncaan nat nai Diqanin makucaiv is sintauqumic. kacaanin hilav i diqanin a, tupa dau ca sasaipuk hilava tu, “cimaca kilimun muu? malka maaz amu mun-han ti?” antalamun nai tu, “na siza i sintuqumic i Diqanin.” tuza dau ca sasaipuk hilava mungkunbu suku diqanin siza i sincaiv diqanin tu sintuqumic. 

Maca maluan hala tu bununa luluklac i sasaipuk hilav ta tu mahaiva, asaun nai makucia inai ta tu qalinga mapuliva i is-aang cia. miliskin dau naingka tumucqa na siliva naipa siza is mantaan macihal tu sintuqummic macaiv.

Tuza tu muliva ca sasaipuk hilava, silalivaun cia ca biqi ciin kaunul siza. Saduan cia a, na mucuqais mahuvaiv siza i mamantuk tu sincaiv, samuqat tincukuin ca suku i diqanina.

Tupa ca sasaipuk hilava tu, “muliva ca sinsiza mu sintuqumic diqanin.” musu ca maluan  bununa antalam tu, “tupa dau ca Diqanina zami tu, ’nitu kua siza is sincacaiv sasaipuk hilav bunun aiza.” tauni naingka tu na ciat macial tu sincacaiv ulivaun cia siza, situnuun nai ca biqi ciin kaunula siza musu kat nai mudaan.

Kamimicqang haan daan a, ulav ca binanau-az a tu talbiqian ca qaungqaungan, maaca bananaza a, tankaunulan ca kaav bungu. na cuqaisun nai ca siniza nai ka biqi ciin kunula a. tupa dau ca sasaipuk hilav tu bunun tu, “maupa pinsama-azun nak muu, silaluan amu zaku tupa tu nitu kua siza i muliva tu sincaiv, macu’nuq daingaz ca Diqanin tan-a, cukudan cia ca hilav sukua. anaqat paimuavin ca biqi ciin kaunulun!

105 年全國語文競賽原住民族語朗讀【卓群布農語】 國中學生組 編號 4 號
勿誑騙撒謊

從前有一對男女騙子到天神那裡求賞。到了天府門前說明來意後,看門的就進入天的府庫拿賞物。

兩個騙子在門外不停地嚷嚷,想要弄亂他的心,說不定他會拿更好的贈禮出來。然而,看門的把贈禮拿成脖子上的肉瘤和頭角上的凸瘤。當他發現拿錯要回去更換時,府庫的門已經關閉。

但騙子誤以為看門者拿了更好的贈禮便說:「天神對我們說,沒有關係的,看門給你什麼,就拿什麼。」 

他們回去到半路上,女子脖子上長出條狀肉瘤,男的頭角上長出凸起肉瘤。他們要把肉瘤還回去,看門的說:「因為你們讓我混亂,誑騙我說,神要你們拿我所給你們的,天神聽了發怒,因此把府庫的門關上了。所以,這脖子上的肉瘤和頭角上的肉瘤就給你們吧!」

文章資訊
文章年度105
文章編號4
文章組別國中
文章語別卓群布農語
族語標題Katu silaluan bazbaz
漢語標題勿誑騙撒謊
文章作者何美玉
漢語摘要