107 年全國語文競賽原住民族語朗讀【卓群布農語】 國中學生組 編號 3 號
katu mapising bazbaz

ma dau ca mailantangus bununa masamu qalmang icaan madadaingaz ciin duma bunun tu tanangaus matasqat bazbaz. nii dau amin maqtu tuscuav bazbaz, aupa na ancumal i madadaingaz, na pinkaz-av i duma bunun.

maa dau ca acu un a, maibunun dau naingkun amin, maqtu pababazbaz i ita bunun. aupa tis-uni buntu naingka tapungulus a, isbazbaz amin a qalinga, uka kaiz-avan, nitu sinisnis ca is-aang a, kulutun bunun ca inai tu ma’ma, anaqat niin naingka maqtu bazbaz saulaupata.

tupa dau ca madadaingaz tu, “ maca bunun i silalaluan bazbaz a, muscuav tu mapusaksak bazbaz a, na minmaza’za’ naingka, aupa min-mapuchu ca inai tu ma’maa. anaqat asa dau tu mamanulu bazbaz, nii dau ca qalinga qalmangun isbazbaz mapatan-a is duma bunun, kaupa dau cia na ispincihal i bunun is-aang tu qalinga ciin na ispintamasaz i bunun tu qalinga ca maqtu isbazbaz. ”

qabasang a, maaq dau ca minudaanin tu bununa a, altupa tu matazin a, malmaluskunang ita miqumicang tu bunun. mucqa dau tu maca matazin tu bununa a, icaan dau naingka patabungan mul-uu tastubuan, maca tastubuanin a, mucuqais naingka muncaan mailumaq nita muluskun i inaita tastulumaq miqumic taltiun.

aupa talmadia-in naingka nitu minaun i qaising a, maca panalumaqin a, kaipangkaipang dau naingka kikilim i nakaunun nai. samuqat pavaian qana ca tastulumaq i kakaunun, mapising dau ca tastulumaq bunun bazbaz, mamang naingka matuqanitu i nitu minaun i qaising.

mahau dau ca pinilumaq a, tupa ca pinilumaqa tu, “ kain amu muqna mintasal mulumaq ti, aupa mucqa amu mapin-uka i kakaunun zami. ” minkaz-av dau ca minudaanin tu bununa, matingcakun dau amin naingka mudaan, muncuqais muncaan inaita dangi-anan. misnatudiip naingka niin mucucuqis mulumaq saulaupata.

107 年全國語文競賽原住民族語朗讀【卓群布農語】 國中學生組 編號 3 號
勇於表達

從前的人不在長輩和他人面前打岔,也不會說話沒分寸,因為會對長輩無禮。

以前的狗可以說話,但由於口無遮攔,不知謙卑,人就把牠們的舌頭割下來,所以現在不能說話。

長輩們說:「說話必須要謹慎,不可以隨便說。只說使人心有益處的話,以及鼓勵別人的話。」

從前,亡故的人會在墳墓裡住上一個月,一個月後,回到自己生前的家與家人共渡三天。

那些死人由於太久沒有吃飯了,一到家裡,就翻箱倒櫃地找東西吃。沒想到家裡食物因此不夠吃,讓家人挨餓消瘦。

媳婦生氣了,說:「不要再回家了,因為你們讓我們沒有飯吃。」那些死人羞愧萬分,回到墳墓裡,再也沒有回家來。

文章資訊
文章年度107
文章編號3
文章組別國中
文章語別卓群布農語
族語標題katu mapising bazbaz
漢語標題勇於表達
文章作者何美玉
漢語摘要