106 年全國語文競賽原住民族語朗讀【卓群布農語】 國中學生組 編號 2 號
maqainan tu tamasaz

tunganin ca inuluan han maklang tu qeni’anan, na kitnga’in munhan sipulan masipul, manahip ca is’ang nak antala baqlu tu sinipulan, maca kitnga’in masipul la na tau in ca pangka nam, na min’unin azam masitauqas han sipulan.

haan baqlu tu sinipulan, pacaisi baqlu ka kuciusingsi’, maca baqlu ka kuciusingsi’ a Bunun, madaqvas talmindu sadu’an maqanglac untu, matuqainan malkacia masisipul, qalna haiza nam ma kaipisingan han kuciusingsi’, opa kivisi’ malkacia inam sinipulan tu is’ang, kivisi’ sadu inam sinhuzanghuzang han sipulan tu iqumican, maupata nam baqlu tu sinipulan.   

kitnga’in muncaan sipulan masipul tau in ca pangka, namuhazin tasa’qamisan han sipulan masipul, na siking munhan kaucaung, anaqat asa tu minmantuk minqasmav masipul. haiza tastuqani’an mul’uu masipul, tan’a lukla ca tataqu tupa tu, maca luklaca ngan na munhana dangi’an kuciusingsi’ ta kilim mi kuciusingsi’, Tiang, Tokduz, Lian, Umin, Ali, Soqut, cikopa ka luklacan ngan na kava munhan kuciusingsi’ ta.

matukahanin dangi’an kuciusingsi’ a, makaming ca is’ang nak mapising, opa muc’anang azak pasadu kuciusingsi’, ni amin cam maqanciap tu ma’ qa ca sinkukuza cuna, luklacan cam punhan kuciusingsi’ ti, ihan nam hilav vi kuciusingsi’ tititi’ ca is’ang mapising mukumbu. ihan nam hilav tupa tu, kuciusingsi’ haizin azam. minahan na cia kumbu’ tupa tu, mukumbu’ a. tau’un zaku ca hilav mapising ca mata sadu cia, ai! sadu cak mataisqang nga daqais sandoqlac ca nipun maqenan sadu zamun, tupa tu mulungqu’a, maca is’ang nak tinnac’ak, ukain ni mapising tu iniliskinan mukumbu’.

tinan’a amin azam ihan acang madadaingaz palcicia kuciusingsi’ talmindung tu liniqaiban. tan’a tu malmananu’ dau pismali’, madau ca sinludaq mali’ a masqung nga masauqbung  papasting ca mali’, kalicoqcoq nitu maqtu taqdutan, opa idada hala ca sinsantohul cia maca maludaq mali. asa amin cak pismali’.

maca sadu mataisqang masaningsing matuqainan na kuciusingsi’, tan’a amin sin’aincun cia tu qalinga ha, muhimul li tain’an han madadengaz tu qalinga, mukumbu han inak tu is’ang cin inliskinan. minatudip pi’uni’un zaku ca kuciusingsi’ min inak sisilian tu bunun miqumic. 

icia ti qainan ni kuciusingsi’ tu tamasaz, min’uni inak macial tu iniliskinan. 

106 年全國語文競賽原住民族語朗讀【卓群布農語】 國中學生組 編號 2 號
微笑的力量

暑假的假期結束了,又是新的學期,而且更讓人興奮的是我們升上國中三年級了,我們要成為學校的大學長了。校長又是新的帥校長,我們的校長是原住民,喜歡運動、開玩笑,但是也有恐怖的一面,校長平時非常的嚴格,這就是我們新的開始。

開學了,國中三年級了,開始要努力認真學習,有一次到校長室陪校長聊聊天,到了校長,其實不敢進去,因為當時非常的怕校長,但是進去後校長竟然對我笑了,我當下沒想很多,就直接進去了,我在部落也聽到了許多校長年輕時的故事,校長以前喜歡打排球,而且是重砲手哦!非常厲害,更何況我也是特別喜好排球,所以從那時開始就把校長當作榜樣啦!這就是校長帶給我微笑的力量! 

[本篇漢譯由金皓平老師撰稿。]

文章資訊
文章年度106
文章編號2
文章組別國中
文章語別卓群布農語
族語標題maqainan tu tamasaz
漢語標題微笑的力量
文章作者何美玉
漢語摘要