106 年全國語文競賽原住民族語朗讀【東排灣語】 國中學生組 編號 4 號
pakazuwanan nua situluwan ta temakesi

neka nu uri kipasalive tua temakesi! neka nu uri pabilji tua kitulu. pazangale tua kemudanga a makulung tua vecike. mavananga  azua tja siselapalapay a sisegaljugalju a paiwan. “ ini a na temakesi ti vuvu, sikanaselapay aken a mulisengesengan ” mavananga azua siayaya ni vuvu. 

timitja a caucau i kacawan a pinapacuganan, mavan a tja talivakan, tja salenguwaan, tja paeljin tua i kacawan.

ljaqua, tjapacunan a namakulung, naselapay, napasaliv a mala caucau. sa pai. neka nunamaya tua situluan ta temakesi, mavanangan azua uri tja pakasizuanan tua kemudanga, aya sa kisantemuluanga. sa aicu a temakesi,ini a mavan a semalu tua matjaljaljak aya. tua sasekingen aya. tua pasaljinga aya.

anema sa pakazuwanan nua situluwan ta temakesi? nu ayaaken uri masan tjelulje a qusisusu a pasemalaw. azua masanitalje, mavan a mapazulju a tja puenetjan sa mavan a macaquanga itjen tua tja sikudakuda.

seka kisamuljaitjen a temakesi, ini a itjen a malupi. ini a itjen a masudram. tja kituluan a nanguwanguwaq a sikudakuda. sa nu tjapuqenetj itjen, tjakitjaytekuitjen. acaquanga itjen a paqaljay tua timaimaanga. azua masanmusalj, mavan a izuanga tjangadan mavan a mapavalit a tjasikudakuda. uri paruljawljaw, paruqadavanga patjemamiling a tjangadan. azua masantjelulj, mavan a papegamel tua tjavalun, mavan a izuanga tjapakasizuwaanan. azua kemudaanga na kemasivalun sakamaya, nu liyaveanga tjapinuenetj, uri tjatalivakanga itjen a paiwan tua tja sikudakuda.azua temakesi, sinanpicul, mavananga azua siayaya.

azua paqulidangata, masalualavac tua qumatjaljaljak, tua malaqu sasusuan patakesingitjen, macaquangaitjen tua vecik aya, tua  sitakesian aya, tua sikudakuda aya. 

106 年全國語文競賽原住民族語朗讀【東排灣語】 國中學生組 編號 4 號
讀書的目的

人人不能錯過讀書!人人不能離開學習!沒讀書不識字,做任何事情都會非常困難!這就是使我們排灣族過去很艱困、很落後的原因。爺爺常常這樣說:「我因為沒有讀書,所以找工作非常辛苦。」

我們人生在世追求的意義、目的在於健康、平安快樂、服務人群。但是,我們常常看到無知愚笨的、生病貧窮的、犯錯失序的人們。教育家說:注意!教育(教學)是最好的,這就是將來一切的基礎。所以,這個讀書,不只是為了父母啊!考試啊!炫耀啊! 

那麼,讀書的目的是甚麼呢?我認為從以下三點來說明:

第一點、就是豐富我們的知識及懂得做人的道理,所以,我們一定要努力讀書,不要懶惰!不可灰心! 要學習好的行為,當我們有了學問更要更謙虛,懂得尊重每一個人。

第二點、就是提高社經地位,改善生活品質。我們的名聲將來能夠像燈火!像太陽!一樣的永遠發光!

第三點、就是建立自信心,增進發展基礎。凡是來自信心,當知識越豐富,我們排灣族做事越有堅定有力了。這就是所謂讀書比照力量一樣。 

我真的非常感謝父母及老師們的教育,使我們懂得文字!讀書方法!做人道理!也使得我們全部排灣族都已經脫胎換骨、更加富裕、更加超越了。

文章資訊
文章年度106
文章編號4
文章組別國中
文章語別東排灣語
族語標題pakazuwanan nua situluwan ta temakesi
漢語標題讀書的目的
文章作者波宏明
漢語摘要