107 年全國語文競賽原住民族語朗讀【萬山魯凱語】 國中學生組 編號 4 號
ta’alikieni ’oponoho

olo moa-lidha olopo omoa o’i latavelengae tangadhae aholisi dholrikili ta’olro-lidha, olo moa-lidha olopo omoa o’i latavelengae tangadhae aholisi dholrikili ta’olro-lidha. mani pa’olilio, toomao dhona takatakanga mia ’ina “ kani ’akosaaeni madhalame ta’olrota tangadhae aholisi, kama kadhalameni iki ’ina, kikataadhi’ini ’ina vekenelre mia. ” mani oa ’aela latavelengae todha’ane pa’atakatakalidha.

tomao mokavole lakadhaalae tololo ’alisokalaleve, kani aangai anai? loo moa cengele iidhe aidhi-nga pahaale. aangai ana tatololo? iki o’i vila’adha lasavahe tapikienidhe kalralrai gako, oonai omiki lasavahae. mani oa cengele ona aidhinga pahaale, mani ’oilri moa laatakadha, mani akeakete-na “ omiki ocao la kani kaiconganaaelidha omiki ’iko, molrehelrehe ona lroongolaelidha lo toloholraelidha. ” “ toponga’amo’o iidhe laatakadha amaadha ’anomaelae ka ocao ia laatakadha. tila toa cengele ia. ” mani oa cengele, acengelelidha ia ’ina kaiconganaaelini ka ocao ia, mani dhaace ’oilri ma’olilio.

mani poa tovaa. mani oilidhe malramalra, kapa pakakiakiaki lroongolae la cokololidha latavelengae, alakalidha ’iiko lakadhaalae. “ toomao tavelengae omi talriho’anaa’o kama olrehelrehiae ’akoaidhimo’o taokavolee’o mia. ” nao ’olrimia’e.

mani toomao maava’i-nga ta’aliki valrisanae tavalrangae ’i ’ava’alie calraelraehe opi’a ana. mani kasakavalrae-nga ona maoaoa-nga ’acakelae, mani kadhao-nga ocao. ’aela todha’ane, lo sihihi-lidha oonai o’i a’olalai la todha’ane. kai la takapangale a’olalai oonai. mani papicongo todha’ane oonai. mani kadhao-nga dha’ane masakavalrae-nga aanai omi’a anai.

107 年全國語文競賽原住民族語朗讀【萬山魯凱語】 國中學生組 編號 4 號
萬山起源

我們的祖先去打獵時,獵犬一直不肯離開,每次打獵經過,狗還是會賴在同一個地方。祖先們說:「狗為甚麼喜歡待在這裡?我們也留在這塊地方蓋房子好了。」搬到此地定居後,生了兩個小孩,一女一男,後來讓他們結為夫妻。他們可能擔心:「我們沒有後代就會消失,孩子們去哪找結婚對象?」所以就讓孩子們結婚,就有越來越多人。

某天學校那裡冒出一陣陣的煙。latavelengae家就派兒子過去看,他一看:「是一群長著尾巴的人!」趕忙回家通報:「有人在那裡。」latavelengae家的人對小米默念:「你將會填滿鍋子。」就會變出很多食物,塞滿容器。

第三天就釀好酒了。長輩么說:「去看看下面那群人,順便把他們接過來!」老么把這群人接來,這群人卻跳到倉庫上方,或在容器上蹲坐。latavelengae家的人切掉他們的尾巴說:「來坐在地上。」

後來出現從valrisanaetavalrangaeavaaliecalraelrahe等不同地方聚集而來的人,娶妻之後不斷蓋新房子,漸漸地有越來越多的家族,這些家族的後代互相通婚,慢慢形成萬山部落。

文章資訊
文章年度107
文章編號4
文章組別國中
文章語別萬山魯凱語
族語標題ta’alikieni ’oponoho
漢語標題萬山起源
文章作者駱秋香
漢語摘要