106 年全國語文競賽原住民族語朗讀【南王卑南語】 高中學生組 編號 2 號
adri sasegiw dra miyaibulr

nanta kinakadruwan na kanatal i, salaw bulay. miraaraat a drenan muguwarurus a enay kadri inayan. marekasagar marekainabanaba na kikaadru driya kadri kana kanatal. an menau ta i, salaw inaba ta dradrek. amawna, garem i, marayas ta kiyalrengaw dra makadalan emaaraw dratu lrubut dra babayan, muka i gingko emarawa dra paisu, kadruwan lra a malees na trematrakaw dra manay driya. daw kemadru an kemata i, kadri punapunan garem. marekakadruwan a trau na semasirep dra miyaibulr. na trau na temalram driya semirep kana miyaibulr i, adri lra muwai abalu kantu arelr. masamasalr semirep i, magiyan lra aw madawak lra.

idri na miyaibulr i, sadru aw marekamenimeni. ulraya na anhuytamin, na kētamin, na hongcong, na paypan, na yawtowan, na tama, na mahuy aw na hayloin. nadrini na miyaibulr i, marisarisan peniya. amau driya semirep a trau i, salaw pakainaba dra dradrek. mikedrang lra, makeser kemiyanger dratu kiyakarunan aw salikesik kikarun. amawna, an uniyan lra tu ibulr i, payas maretru. uniyan lra dra kedrang aw adri lra maranger kikarun. an masalr semirep i, marebeliyas inaba tu dradrek. idrini amau lra na magiyan lra kana miyaibulr.

a miyaibulr salaw pakakuwatis kanta dradrek aw drata nirangeran. na trau na magiyan lra kana miyaibulr i, a kiyanedangan lra. an madranga semirep malasalas tu wanger. adri pakadikes dratu kararamuan. parisirisi dar, pareungeunger dar, tu rarutrengay aw mukukutr tu dradrek. malradram dra pakakuwatis dra dradrek dra nirangeran dra trau idri na miyaibulr. magiyan lra aw adri lra pakaretra.

an pariyasalr semirep i, karuwa munuma kudrulr paisu. an saya wari alra paresama semirep. parainiyan lra dra paisu aw tu niwananay tu ruma tu uma. arusay tu kataguwin tu lralrak na babayan tu niwananay. palru dra tremakaw aw muimeng. kalramalraman lra. garem i, salaw ta maulep kemiyanger kana lralrakan na ulraya i takesian. kemay kantu milringan temalram dra manay driya. aw tu patrawlray dra ulringulr aw tu patalramay pasirep. maladam lra aw muka kiamiya i, tu saliyamdangaw tu pakarunay meniwan kana miyaibulr i. kuwadakuda ta lralrakan i likudran lra! idri i, amau nanta kiyaangeran.

kemaya ta driya kana lralrakan na temakakesi. adriya mu milring dratu tamaku dra alialian. adri kiyatuludr elra dratu pinatrekelan dra trau. kaimayay alra miyaibulr kemuda. masalra ta driya temuru. adri pararanak semegiw dra miyaibulr.

 

106 年全國語文競賽原住民族語朗讀【南王卑南語】 高中學生組 編號 2 號
別碰毒品

我們住的地方是美麗的寶島,有山有水,生活在這個島上的人都相親相愛,和諧,讓我們有幸福感。但是,最近常發生路上搶婦女皮包、搶銀行的事件,竊盜事件也增加很多,原因是現在的社會毒品氾濫,越來越多的人在吸毒,只要吸一次就不會忘記它的味道了,一次又一次就上癮中毒了。

毒品的種類很多,例如:安非他命、k他命、紅中、白板、搖頭丸、大麻、嗎啡、海洛因等。這些毒品的特性都一樣,一開始吸時,感覺身心愉快,精神百倍,充滿希望。但是,一旦毒性消失,頓時感覺心情低落,全身無力,不想工作,只有再一次吸食,才能維持身心愉快的感覺,所以就因此中毒上癮了。

這些毒品會毀壞我們的身體及中樞神經,如果沒有吸食毒品就精神恍惚,無法控制自己有暴力傾向,小便失禁,流鼻涕流淚,抽筋,身體捲曲。一旦上癮,明明知道有害身心卻無法自拔,想戒也戒不掉了。

吸食一次可能要花上好幾千元,一天不知道要吸食幾次,沒有錢買毒品了,就變賣家產,甚至於賣妻女,最後淪為盜竊被關,過著淒慘的生活。現在,我們非常憂心在學校生活的孩子們,這些毒販利用學生的好奇心,引誘他們吸食,上癮之後,就變成他們的下線,賣毒品給同學,將來我們的孩子要怎麼辦呢?這是我們要思考的問題。

我們要在這裡呼籲在學校的學生們,絕對不能好奇的嘗試,也不要隨意抽他人給的香菸,喝他人給的飲料,裡面可能摻有毒品,再一次叮嚀,千萬別碰毒品。

文章資訊
文章年度106
文章編號2
文章組別高中
文章語別南王卑南語
族語標題adri sasegiw dra miyaibulr
漢語標題別碰毒品
文章作者林清美 鄭玉妹
漢語摘要