106 年全國語文競賽原住民族語朗讀【撒奇萊雅語】 國小學生組 編號 3 號
culen

culen. sapisanga’ a tuud-- lalidec, datay, zakes, kamaya. sakapet tu sapisanga’-- bakan, takini’, salusasuls. u culuk han ku sadikec-- balaten ku nipiketun tu kilang. sawantanen ku dicem nu disdis. malutangah nu culen.

u takini’ ku sapisadicem misakimulu’. sipakayza nu zumaan sapidisdis amibalat. haymaw han a midicem. namahiza i sasa tulu a hunan kulaed amiketun.

i makasasa’ nina kilang sa disdisen misadicem. malutatizengan nu culen a malineng. masangay tu.

u kamu nu Sakizayaay sa izaw ku cacayay hina balatay tu culen a tademaw.

sasingangan sa ci Butung. u canacanan ku nipasubana’ ni Butung tu niyazu’u.

u sakaluk atu sakilisin a kawaw. mala “ Butung tu niyazu’u. ”, “ pakanay a di’tu ” atu “ papibaungay a di’tu ” nu Sakizayaay.

a didiay culen. sakapet a tuud-- kamaya, heci nu datay, lalidec. sapisanga’ tu sakapet-- takini’. u culuk han ku sadikec-- pahalhal mahizaay u sapisulit masakimuluay a kilang nu cacayay a ciid sadicemen.

mahiza u zuku. miliyas tu dicem sa tusa a hunan kulaed kabatad. anu caay piliyas tu nidiceman a ciid. i tuluay nu cacay a midisdis. malakaus. ahican ku uzip-- u tatuzu’ atu sakatusa a tuzu’ ku sapikapet tu kawil. kasenun han milineng i takal atu amutu nu lala’. nima ku matenesay a malineng sa u makademecay.

misasengi tu heci nu datay atu culen. alaen nu wawa a palaculen milineng misalama. u heci nu datay sa, kinacacay siheci ku cacay a mihecan. paluculen tu heci nu datay a kilang ku paluadidiay. hina sasalamaan nu wawa a misanga’.

106 年全國語文競賽原住民族語朗讀【撒奇萊雅語】 國小學生組 編號 3 號
陀螺

大陀螺的製作材料為九芎(莖)、七里香(莖)、樟樹(莖)、軟毛柿(莖)。製作工具是大刀、小刀、鋸子。用刀朝木頭斜砍,削出尖型作為陀螺尖頭,再用刀仔細的修出圓滑面,從另外一頭削出斜面,削成尖,接著在底部後3公分處鋸斷,最後將底座的木頭削成尖頭,作為陀螺旋轉時的支撐。

有一個愛玩陀螺的人,名叫ButungButung教導族人許多耕種與祭祀的禮儀,成為「智慧之神」、「生產之神」與「禮儀之神」。 

小陀螺的製作材料是軟毛柿(枝)、七里香(果實)、九芎(莖)。製作工具是小刀。準備一根圓圓的樹枝,把枝頭削尖,在距離尖頭約2公分處,或削細樹枝的三分之一處,配合刀切斷皮,成為握柄,再用拇指和食指握住把柄,並立即旋放在平面的桌上或水泥地上,比賽誰轉得久就贏了。

七里香的果實形狀與陀螺相似,孩童都會拿來當作「小陀螺」轉著玩,但因為七里香果實一年只有結果一次,便以木頭做成小陀螺的形狀,作為小孩的玩具。

文章資訊
文章年度106
文章編號3
文章組別國小
文章語別撒奇萊雅語
族語標題culen
漢語標題陀螺
文章作者督固撒耘
漢語摘要