107 年全國語文競賽原住民族語朗讀【海岸阿美語】 國小學生組 編號 4 號
O sapi aray to malawinaay a sowal

Matiya o cidal ko olah no ina caay ka ’idi paedil to hekal, o painian nira, caay pisalongoc to sapatikoaw, malasaka awaay to ko tolas to sakadiheko no faloco’. Ano awaay ko damsayay a faloco' no ina, edeng to o 'edes ato tafihaw no faloco’ ko iraay tona hekal, orasaka, o dengan to o olah ato sida’itay no ina a faloco’ ko sapadiheko to tamdamdaw a ma’orip itini tona hekal.

Na mahofoc tangasa anini kami sasepat malakaka, awaay ho ko pahanhan nira, itini i 'orip malafaloco’ nira ko pitilid ato sakafangcal no tatirengan niyam,caay pitolas ko olah misa’imer a midipot ato kasida’it to romi’ami’ad, nika awaay ho a matengil niyam maroray to kako sanay a sowal. Oya damsayay a pising no miso ina ato ya makofelay to a kamay no miso ina, mitesek a maparo i kemod no faloco’ ako, inaaw! wata ko roray no miso pahafay to saki tamiyanan, onini haw i, caay ko mamatawal no mako tahada’oc.

Inaaw! kinafalah sa kiso to tatirengan, awa ko tararikor no faloco’ iso mihofoc, pakaen,palahad tamiyanan, malasaka awaay to ko kihar niyam a ma’orip, hatiniay to ka talolong a olah iso, samaanen caay to ko mamafilo a mipanocay kami. Itini i kemod no faloco’ niyam, awaay to ko mikakaay to nika tadamaan no ina tona hekal.

Romatini sato mato’as to, caay ko piaray a cecay ko faloco’, to laday kafana’en mingodo to ina ato mama, mala o fangcalay a wawa, aka pisahakeno to palatamdaw ato nafaloco’an ni ina i titanan, ano ira ko limaw kalalok a minokay pacafay anca keriden talacowacowa a misalama, onini i, o safangcalay a sapanofo to ina konini.

107 年全國語文競賽原住民族語朗讀【海岸阿美語】 國小學生組 編號 4 號
對母親的感言

母愛就像是無私的太陽一般,她從不計較回報,給予我們無限的溫暖。如果沒有母親的溫情,世界將變得冷酷、淒涼,唯有母愛的光輝才能溫暖世界的每一個角落,讓所有人都得到愛。

自從我們四個小孩出生之後,母親就沒有輕鬆過,每天細心照顧、關心我們,擔心我們的學業及健康,從沒喊過一聲累。她慈祥的面容,還有那雙粗糙的手深印我心,我永遠都不會忘記,母親是多麼辛勞地為我們付出。

母親犧牲了她的青春,無怨無悔地生下我、養育我,每天做著家事,換來我們的無憂無慮,這份恩情,是怎麼也報答不完的。在我們的心目中,母親是天底下最偉大的人。

如今漸漸長大,除了心存感激外,平常就要好好孝順父母,當個好孩子,不要辜負母親對自己的用心培育及期望。只要一有空就回來,多陪她或帶她出去走走,也算是給母親的禮物!

文章資訊
文章年度107
文章編號4
文章組別國小
文章語別海岸阿美語
族語標題O sapi aray to malawinaay a sowal
漢語標題對母親的感言
文章作者高清德
漢語摘要