106 年全國語文競賽原住民族語朗讀【南排灣語】 國中學生組 編號 1 號
tjalja sanguaqan tua kakanen nua sepayuan i pasanavalj-- valeng

kasicuayan ayata nekanga nu dingki i qinaljan, avana sika kemuda a penadjeng tua lami sa inika sikapalakan nua kakanen namasan pazangal aravac a sengsengan, izua martimalimali a sipadjengan tua kakesain, a maru: a vurasi izau nu ljuseljusen nu cadapan sadrasi-i a pautad, pai maqati anga a pakacuacuain a penadjeng, nu kaljaqudjaljan nu kaljauraman anga izuanga lami a kesain.

mamaw uta a vasa puitaita a kivasa nu ita cavilj, nu namaljeliyaw a vasa tazua cavilj, maqati anga pasa lekuin a vasa sa capa-i a seman aradj, pai saka maqati anga a pakacuacuain a penadjeng.

pai kasicuayan ka nekanan nu pingsiang i qinaljan, kudain a penadjeng a vutjulja nu ayaitjen, aven anga a velang a namasan papadjengan tu vucutj i pasanavalj ta se payuan, patjetucu aicu a venaleng namasan paravac saka sanguqan anga tua kakanen nua senavalj tua sepayuan.

kudain nu venaleng? azua tjauculjuin a vutjulj puqatianan tu pacengceng, sa duveci tua adradj a pinuqatianan, sa pasa tua kapua tuki galasu a kana, pai maqati anga pakacuacuain a liaw a cavilj, nu namasan paravac a qadaw nu izua qaljaqalja patjevutain anga aicu a valeng sasan siavianga.

aicu a veleng sedjalep ita kaljaqudjaljan kata kakavuceleljan, tjaljasanguaqan a siyaw ta sin vasa kemsan a adradj. ita namasan pazangal a palisian, nu izua qaljaqalja i tjumaq, nu qemaljaqalja tua qaljaqalja i qinaljan tjalja sanguaqan tua kakanen aicu a valeng. a valeng namasan sikipucemcemel uta nua vavayavayan nu na pualjak. aicu a valeng namasan paravac a ravac tua kakanen i pasanavalj tua se payuan.

106 年全國語文競賽原住民族語朗讀【南排灣語】 國中學生組 編號 1 號
南排灣的傳統美食-醃肉

過去部落生活因為沒有電,因此糧食的保存方法就很重要了,主食的保存有不同的方式,如:地瓜削籤或削片曬乾,就可以將地瓜保存期限時間拉長,在雨季或缺糧有存糧可以食用。

又如一年只收成一次的芋頭,如果當年產量多時,可以藉著火窯烘烤芋頭成為芋頭乾,因此芋頭乾就可以更久的保存了,也可以做成芋頭粉包傳統粽,美味又實惠。

而沒有冰箱的傳統部落,肉品的保存就是要靠肉品醃製;因此醃肉就成為南排灣傳統保存肉品最有效方式,延續到現在醃肉就成為特殊的傳統美食。

醃肉的製作方法如何呢先將新鮮的豬肉放入適量的鹽巴,及清水洗過的並敲碎的芋頭乾與鹽攪和,一起放入甕或玻璃瓶,就可存放很多年,在重要的日子裡或有賓客時,才拿出醃肉煮湯享受美食。

醃肉適合在冬季或下雨天時烹飪,配合水煮芋頭乾是絕佳的美味。在重要的慶典,或有家裡重要客人,招待部落的賓客使用的佳餚。醃肉也是婦女生產之後補身體使用的藥材。醃肉是南排灣的傳統美食中的好料之一,也是部落耆老們的美食智慧傳承。

文章資訊
文章年度106
文章編號1
文章組別國中
文章語別南排灣語
族語標題tjalja sanguaqan tua kakanen nua sepayuan i pasanavalj-- valeng
漢語標題南排灣的傳統美食-醃肉
文章作者蔡愛蓮
漢語摘要