106 年全國語文競賽原住民族語朗讀【南勢阿美語】 高中學生組 編號 2 號
Caayay ka lipahak atu lipahakay

Pisimsimi u caayay ka lipahak haw kita? U lipahakay aca haw kisu?

Caay ka lipahak atu lipahak, namakayni I nipisimsiman nu tiring, u sapiwanang tu demak, u sadak nu nipisimsim, na maka wama atu wina ku lalingatuwan, u saka ’urip nu luma’. U liyut nu niyaru’, u nipicudad atu ni sacabay, ira haw ku tadamaanay a sumad nu wayway. Caayay ka lipahak atu lipahakay, ira ku nipatinaku:

1. Ira ku tatusaay a micudaday, caay ka lecad ku nipisimsim, na raecus ku nisekingan, uya caayay ka lipahak suwal sa: a maanen aca caay ka kapah kina punu’, kanahatu misakilemel a malecadtu.

Uya lipahakay suwal sa: caay ka dengay ku nipicudad nu maku, anu misakilemel a kapahatu kiyari.

2. Ira ku tatusaay a mawmahay, caay ka lecad ku nipihalhal tu ’urad nu canglah.

Uya caayay ka lipahak suwal sa: amamunu’ ku nikawmahan, a awaaytu ku sadak.

Uya lipahakay suwal sa: a mapananum ku nikawmahan tiya ira ku sadak.

3. Ira ku tatusaay a mikuliyay, caay kalecad ku nisimsim tuya maraayay a talutaludan a umah.

Uya caayay ka lipahak suwal sa: u misarunemay a cacay kaku.

Uya lipahakay suwal sa: a palumaan tu kilakilangan atu barubaru, u hahululan nu tamtamdaw.

U nisimsim dengatu a mibalic tu kapahay, pasayraen I kapahay ku nisimsim, a matungal ku cabay a matungal ku kapahay a lemed, anu ira ku mahiniyay u lipahakay a nisimsim, ma’ ulah a mipadang itawan, anu ira ku mahiniyay a nisimsim, matungal ku sakalatamdaw.

Ira ku nipasuwal sakapahen ku nisimsim, masakapahtu ku balucu’, massakapah ku wayway, masakapah ku kapahaya lemed.

Manay u kapaha nu Yincumin, salipahaken a misakilemel, salipahaken a misimsim, salipahaken a pabaruwan anu malatamdaw kisu, haenentu u bali a micekeruhm a mipadang tu tamtamdaw, kiya u suelinayay a lipahakay a tamdaw.

106 年全國語文競賽原住民族語朗讀【南勢阿美語】 高中學生組 編號 2 號
悲觀與樂觀

首先,想請教大家,你有沒有想過自己是偏向悲觀還是樂觀的人?

悲觀與樂觀是人的一種思維也是一種信念。這個信念會決定我們做事的方法與處世的態度,對一個人的影響既深且遠。其觀念的形成主要受父母的影響、從小生活的環境、家庭的社會地位、所受的教育程度和所交往的朋友,都有著很大的關係,這二者間差異之大可謂天壤之別。

就舉兩個例子,兩個學生考試成績不佳:

悲觀的學生:認為自己不夠聰明,再怎麼努力也沒辦法考好。

樂觀的學生:檢討沒有充分準備,只要努力下次一定考好。

另外,兩個農夫面對即將到來的春雨:

悲觀的農夫:農作物的根會爛,收成會受影響。

樂觀的農夫:農作物得以澆灌,萬物得以生息。

然而,這種思維不是不能改變的,只要我們自己願意改變,凡事朝積極正面的方面去思考,不但可以讓自己有樂觀的個性,這種個性也會帶來更多的友誼,帶來好運,跟這種思維的人相處也會帶給人鼓勵和正向的觀念,也會因自己有這種個性而帶來許多機會。有句很有哲理的一句話:信念改變思維,思維改變心態,心態改變行動,行動改變習慣,習慣改變性格,性格改變命運。要改變命運,先確立信念! 

所以,要當現代的原住民青年,就要樂觀積極、知足常樂、正面思考、勇敢面對、它不但具有感染性,對自己有正面的助益,也為朋友及他人帶來鼓勵,願大家都能成為一個積極樂觀的人。

文章資訊
文章年度106
文章編號2
文章組別高中
文章語別南勢阿美語
族語標題Caayay ka lipahak atu lipahakay
漢語標題悲觀與樂觀
文章作者張文良
漢語摘要