106 年全國語文競賽原住民族語朗讀【南排灣語】 高中學生組 編號 2 號
masan simuluq a sengsengan nua puvaruvarung a caucau

izua masan simuluq a sengsengan nua puvaruvarung a caucau, a sangasangasan, pakaizua a pakatjuruvu tua mareka qali: a kipaparangez tua mareka qali maru tjalja semeljecan a tjakava nu kaljavuceleljan. liningedjelj aicu ta sun nanguaqan kata su sulapeljan, tjara pakamanguaqu taicu. sipasan musalj, kitulu-i tua tjemaula: nu izua anga a tjacavilj, a inikamaqati a tja savutain tjananguaq anga a kitulu-i tua tjemaula. sipasan tjelulj: vusamu tua nanguaqan, kisamulja-u a papacun tua bulayan nua tja kinaikakauanan.

sipasan simatjelj: keljangu tua pakata ung-gakku, tjara kitulu tua ung-gakku, ayatua maqati a maru semu kungai tua su kinacavacavan a pulinglingetj, maqati a semuqeljev tua su pinacalivalivat kata su kininemneman a ung-gakku. sipasan limalj: kivavilad tua kipaula tua tja kinaikacauanan, izua masan musalj.

tua tja kipaula tua tja kinaikacauanan, a ita inika malain a tjavinarungan, a ita selapai tua tjatjenglayan. a tjaisangas nu maqati sun a kipapuqadjaw tua su kemudanga, a izua nu inalap a neka, inia su sinusu, tucu ka maqacuvucuvung anga sun maqati sun a patagilj a mumalj; a pakatua tjenglayan nua i kacauanan tjalja kipaulan, ulja su tjaulan a su tjenglayan a paru qunvuljan, sa su parimasudji a su varung.

sipasan enem: kitulu a temavelak tua kipaula: izua pacugan a inika maqati a inika tja draudraven, nu napacalivat anga itjen, tja mepuvarung itjen; izua kipaula kata tjavarungan nu tja tavelaken, sa tja pacalivati, avan a manguaq anga itjen.

sipasan pitjulj: paka izua-u tua na malevaleva a varung, paka izua-u tua su levan, kiljivakan a timaimanga, sa su tjaula-i a su pakamanguaq kata rivurivuan, pai a na manguanguaq kemasi maza a patagilj.

sipasan alulj: kisamulja-u a kipusengsengan, a kisamulja a kipusengsengan kasizuanan nua tja puvarungan kata tjapicul a kisamulja a kipusengsengan, sa gaugaw tua nanguaqan kata kakaveliyan nua kisamulja.

sipasan sivalj: kisamulja-u a kitulu, tjara pakaizua tua su sipaqenetjan tanemanemanga kata pakaizua ta su kinljangan, maqati a paljiavavaw tua su pinadjaliman, a tjaparavac anan tua su kisanbulayan.

sipasan simuluq: sanpazangalu tua su un-du, aicu kasizuanan nua mimaqacuvungan, nua levan, katua suljivatjan, aya.

106 年全國語文競賽原住民族語朗讀【南排灣語】 高中學生組 編號 2 號
聰明人必做的10件事

一、儲蓄友誼

靠得住的友誼是今生最溫暖的外套。它是靠你的人品和性情打造的,一定要好好地珍惜它。

二、學會放手

當你無力把握,就要學會放手。

三、播種善良

一定要極盡自己所能,讓那些比你苦、比你難過的人感受到這世上的陽光和美麗。

四、懂得音樂

它會洗滌你的身心,打開你的記憶和想像,更會帶來意想不到的寧靜。

五、避開兩種苦

世間有兩苦,一是得不到之苦,二是鍾情之苦。前者在你付諸努力的前提下,勝之坦然,敗之淡然;後者可說是世間最苦,一定要像清除灰塵般,把它從心屋掃出。

六、學會承受

歷鍊一次;就豐富一次。

七、常懷感恩心

讓你憐惜身邊事物,幸福的感覺也源自於此。

八、熱愛工作

它檢驗著我們的智慧和能力,得以讓我們體現價值及獲得成就。一定要全心愛它,畢竟它讓你大半生有事做、有飯吃。

九、勤於學習

不僅保證你的記憶力、感悟力,還能讓你維持個性魅力。

十、享受運動

更能保存青春、快樂與健康。

文章資訊
文章年度106
文章編號2
文章組別高中
文章語別南排灣語
族語標題masan simuluq a sengsengan nua puvaruvarung a caucau
漢語標題聰明人必做的10件事
文章作者蔡愛蓮
漢語摘要