106 年全國語文競賽原住民族語朗讀【南排灣語】 高中學生組 編號 1 號
aljak na mamazangilja katua hana a limusulj

izua nakisumalji aravac a macidilj a uqaljai a kakedriyan, kavilianga nia papungadanan anga timadju tu aljak na mamazangiljan aya.

ka pasemalaw tu aicu a aljak na mamazangiljan namangetjez a kasi tua vitjuqan a pinaka i B612, ljakua neka nu masalu tua nia kai. aicu a vitjuqan djinumak ka 1909 a cavilj.

nakipapaulingaw aravac tua mareka namapakakaizuazua a sinitalem itua vitjuaq a aljak na mamazangiljan. izua ka puita, a i tjuzuma a vitjaqa, izua macidilj a malunai a caucau na madraudraw a parimasudj tua vad nua kasiw, pai saka naremekutj anga a pitjaivililj, ka ku sizuga timadju tua sizi, maqati a keman tua kudrakudral a kasiw, pai maleva ravac taicu timadju. ljakua mavarung uta timadju, tu kanen nasizi a hana a limusulj.

kivadaq timadju tjanuaken, a djui nua limusulj a hana aki maqati a paljakev tu inika sikanan nu sizi tjaimadju. mapurpurpur aken a ljemenguaq tua hikuki, ku qaqivuin timadju, “ izua a ku kapurpurpur a sengsengan, maya ken a semupilj tusa inika namasan pazangal a sengsengan. ”

nasaljivalaw timadju a qivu, “ nu izua caucau i tua kaljiavan a vitjuqan, sa katjenglai tua kaitaitan a limusulj a hana. ljakua nu sazuain nua sizi sa kani anga azua hana, nu kinemnem timadju, matu namasevus anga isauniuni a teljar nua vitjuqan, sa iniana masan pazangal aya su! ”  sa ku tapulju-i a aljak na mamazangiljan sa ku sasai, sa ku zugan ta suqem na angalj na sizi nimadju.

a kinaizuanan a vitjuqan na aljak na mamazangiljan, izua uta a limusulj a hana. ljemita ta qadaw a semuap tua vitjuqan timadju, venljuc tua vunavun nu kasiw, sa parimasudj tua cemvucevud a sapui a gadu. nu masulem anga caqevan anga ta galasu a limusulj a hana a paljakev. ka uri vaik anga izua ita vitjuqan, djiniqes anan a limusulj a hana, cinaqevan tua galasu a caqev, sa “ kana suljivatju anga ” aya a kipusa-u. qivu a hana tjaimadju, “ kana suljivatju. ” tjaulai a pizua a caqev, inika anga ka ken a semljudj tazua. nuri kisedjaluan aken tua kamarimari, ki ken a kiqadilj a djavacen nua qatjuvitjuvi. inikaken a marekutj tua qemuzimuzi uta, ayatua izua uta ku gumac.

sau-in a kirimu a aljak na mamazangiljan nimadju, marekutju tu pacunan timadju tu naqemaung.

106 年全國語文競賽原住民族語朗讀【南排灣語】 高中學生組 編號 1 號
小王子與玫瑰花

有一位很特別的小男孩,我們稱他為小王子。他來自B612小行星,是在1909年被觀測到的。但沒人相信我們說的話。

小王子對行星上的植物很小心。有一次,別的星球有個懶惰的人忘了清理大樹種子,造成了可怕的後果;我幫他畫的羊,可以吃掉大樹種子,但是他也擔心,羊會吃掉玫瑰花。他問我:玫瑰花的刺能不能保護它不被羊吃掉。我忙著修飛機,就跟他說:我有正事要忙,不要拿這種不重要的事來煩我。

他難過地說:如果有人在千萬顆星星中,愛上了一朵獨一無二的玫瑰花。如果羊把那朵花吃了,對他來說,就好像所有的星星一下子全部熄滅了,你竟然覺得這不重要!我抱著小王子安慰他,幫他的羊畫了一個嘴罩。

小王子的星球上,住著一朵玫瑰花。他每天幫忙打掃星球,拔掉大樹的種子,清理火山。

要離開星球時,他幫玫瑰花澆水,罩上玻璃罩道別:「願你平安」,玫瑰花也回應:「願你平安」,玫瑰花催促小王子離開,害怕他看到她流眼淚的樣子。

文章資訊
文章年度106
文章編號1
文章組別高中
文章語別南排灣語
族語標題aljak na mamazangilja katua hana a limusulj
漢語標題小王子與玫瑰花
文章作者蔡愛蓮
漢語摘要