106 年全國語文競賽原住民族語朗讀【撒奇萊雅語】 國小學生組 編號 1 號
nayay ku tekiteki’ a niyazu’

i kanihalan nu cacay a demiad, caay henay ka takelal, matabal kaku sasielun sa a tataytay mueneng, zahkez sa ku balucu’ mueneng nu ayawan nu panan a putah, pasuayaw miazih tu kapah nu kaluhicahica. nayi’ ku langat i nu ayawan, uyza dada’ puenelay henay a kilang. itawya kasenun sa, mahiza u nihulakan ku ba’ket nu uzip aku, taneng a pakuniza han tu ku nizateng. haymaw han miazih kya culil nya uul, zayhan sasangelac sa kya liwliw, uzuma batad sa capi sa, mahiza tu u muenengay i pabapabawan ku uzip.

cay tenes, muculal tu ku cilal nay wali, takelal satuay, macuzuh tu nu edil nu cilal kya uul amin lawpes: satu. zikuz uyni tu u ngazu sananay a kilakilangan atu landaw nu lutuk ku i mataay, milihiza ku balucu’ manamuh limulak, asu’ sa helupen mahiza u baluhayay a bali talabu i uzip nu maku. suzikuz han maazih tu ku sauwac, tazikuzikuc izaw aca maazih ku talakaway a buyubuyuan.

cay tenes, culaculal satu ku malukay a sinimuku amin ku heni tu sakaluk paytaling a muculil, tanuliha’ sa amin tu kalalicay malanam tu sa, a malingatu tu ku kawaw nu ayzaay a demiad. zikuz satu nuyni, azihan ku tapuku izaw ku sazumazuma sananay a ladem, belabelat sa ku lutuk i taling mapaeceng nu cilal, azihan u lesing kuyza.

kapah ku demiad ayza, satakelal sa ku tapuku, atu mahizaay u nipacaitan a ladem i tapuku, izaw aca ku paysasa hananay mubahel a palang. matengil tu ku alawaw nu niyazu’ay, culaculal satu ku muculilay a micudaday i zazan, a tacacudadan tu, tacacudadan tu ku micudaday milihiza malinga tu tu ku katatawatawa nu niyazu’ay.

manamuh kaku tu sazahkez hananay, cay ka alawaway, atu matumesay nu namuh a niyazu’, anu u pikalukaluk misaicelang tu saka uzip sa, uyza sa limulak kapah ku balucu’ nu maku, kyu manamuh mihalhal tu nu anu cilaay a demiad.

106 年全國語文競賽原住民族語朗讀【撒奇萊雅語】 國小學生組 編號 1 號
寧靜的部落

有一天的清晨,天還沒亮,早起的我獨自搬了一張椅子,輕鬆的坐在門前的廣場上,悠閒的看著前方的景色。眼前沒有圍牆,只有低低矮矮的樹籬。突然之間,有一種無拘無束、自由自在的感覺。靜靜地看著早晨的霧氣,白茫茫的一片,忽遠忽近的移動著,有如置身在仙境一般。

不一會兒,太陽從東邊升起,露出金色的光芒,迅速的將晨霧驅散開來。清翠的樹林和草地盡入眼中,讓人看了心曠神怡,空氣中有一股清新的感覺。往後看小溪就在不遠處,再往後看些就是雄偉的高山。

不久,農人們已經揹著農具走在田埂上,大聲的互道早安,開始今天一天的工作。不久之後,出現了一大片顏色千變萬化的彩雲,田埂上的青草發出了點點的亮光,那是清晨的露珠。

今天是個晴朗的天氣,蔚藍的天空,掛著朵朵的白雲,還有許多老鷹在低空盤旋。部落裡開始變得熱鬧了,學生們開始出現在部落的道路上,前往他們的學校,部落的一天也在學生們的嘻笑中正式開始了。

我喜歡悠閒、寧靜,富有人情味的部落,雖然仍然必須為了生活而努力工作,但我的心情愉快而美麗,每一天都期待著明天的來臨。

文章資訊
文章年度106
文章編號1
文章組別國小
文章語別撒奇萊雅語
族語標題nayay ku tekiteki’ a niyazu’
漢語標題寧靜的部落
文章作者陳玉蘭
漢語摘要