106 年全國語文競賽原住民族語朗讀【撒奇萊雅語】 國中學生組 編號 2 號
balucu’ay a kamu ci inaan

ina hananay nayi’ ku niza a teked tu kahiza u cilal caay pasatezep patakelal tu lalabu nu luma’, kinabakah sa ciniza tu saki nu luma’, paki balucu’ sa nayi’ ku ngaliwngiw, matabu nu dihku atu namuh nu ina ku lalabu nu luma’. itini i kanatal anu nayi’ ku ina sa, u mamalakesemay cu’detay tu ku kanatal, u malabiyasay a namuh adada’ nu ina ku sakadihku nu lalabuay nu luma’, u sakaizaw nu namuh nu luma’.

nalecuhan henay nu ina kami calekakaan sa, nayi’ tu ku zahkez nu ina. midiput ci ina tu demiamiad a misakapah tu kasizikuc kaen atu eneng niyam, sa’tim sa a paayaw tu picudad atu sakaicelang nu uzip niyam, azihan nayi’ aca ku ngaliwngiw niza, mangelu’ kaku caay kasa. ya sadamsay sananay a bihid niza, atu ya sakalahkah sananay tu a lima niza sa, tesek sa mapaina i balucu’ nu maku, caay tu ku mamapa:wan nu maku, mahini ku ngelu’ ni ina a kinabakah sa tu uzip tu sapidiputaw i tamiyanan.

hemhem han ni ina ku ngelu’ nu balucu’ mulecuh takuan, pabalaki takuan, pakatineng takuwan, a kinabakah sa tu niza a demiad sakay takuwan, sademidemiad sa tu sasakawawen tu nu luma’ay, u sapaka zahkezaw a limulak i tamiyanan, u sata bakiyay ku ina nayi’ ku mikikakaay tu ngelu’ niza i hekal.

balakibalaki tu ayza, milihiza ku kalubang tu ni ina, sangelac tu aca ku bukes, atu mapuhelaw tu ku piazih, caay tu pakakan tu atekakay a kakanen, caay tu ka hiza itawyaay a icelang. paliyun han niza tu nanu kaying henay katukuh ayza kabalakiyan tu nu niyam atu palekal i tamiyan. caayka uyniyay a dada’ ku kakukayen niyam ci inaan, a cunusen cunu:sen tu nu niyam ku pinamuh pacabay tu ina. anu kainayi’an tu nu lawad, anu mabatad tu ku caculilen, kanca a taluma’ tu a pacabay ci inaan, pacabay ci nizaan papelu, caay sa ladayen taputah misaculiculil, kitinen mihaymaw paculil. mangelu’ ci ina midiput pabalaki i tamiyanan, ayza kami tu u wawa amin, panukasen tu nu niyam ku nidiputan nangelu’an nu ina, a kami tu ku misakapahay midiput tu ina.

106 年全國語文競賽原住民族語朗讀【撒奇萊雅語】 國中學生組 編號 2 號
對母親的感言

母愛就像是無私的太陽一般永遠照耀著家人,她為家人付出,從不計較回報,給予全家無限的温暖與慈愛。世界上如果沒有母親,一切都將變得冷酷、淒涼,母愛的光暉才能温暖每個角落,讓所有人都得到愛。

自從我們兄弟姊妹出生之後,母親就沒有輕鬆過,每天細心照顧、處處關心,擔心我們的學業及健康,卻從來沒喊過一聲累。她那慈祥的面容,還有那雙粗糙的手,深深印在我的心裡頭,我永遠都不會忘記,母親是多麼辛勞的為我們付出。

母親無怨無悔的生我、養我、育我,犧牲了她的青春,每天做著家事,換來我們的無憂無慮,這份恩情,是怎麼也報答不完的。在我們的心目中,母親是天底下最偉大的人。

如今漸漸長大了,除了心存感激外,平常就要好好孝順母親,當個好孩子,不要辜負母親對自己的用心培育及期望,只要一有空回來多陪陪她或帶她出去走走,這也是給母親的好禮物啊!

文章資訊
文章年度106
文章編號2
文章組別國中
文章語別撒奇萊雅語
族語標題balucu’ay a kamu ci inaan
漢語標題對母親的感言
文章作者陳玉蘭
漢語摘要