107 年全國語文競賽原住民族語朗讀【撒奇萊雅語】 國中學生組 編號 4 號
u ading

u ading maydih tu cilal. u ading maydih tu bulad. u ading malecad tu mitizinaay, sani inuayawan, sani inudikudan milimek. patelatela’ kaku,patelatela’ cinida; mutukud kaku mutukud cinida.

kalahukan inayi’ tu, malecad tu miliyasay i takuwan, mihica kaku, mahida tu. ading, anu i cuwacuwa, miladay i takuwan. hanca nayi’ ku udip nu ading, nika idawan aku kyu misamelit. painging i cilal misangelu’ malalukay a tademaw, makaydih tu ading nida; mikilidungay a tademaw, caypakadih tu ading nida.

“ nayi’ pasengalan minanam ” a tademaw malecad tu ading malalaba’, caay pakaletep kisu, nika mikilul i tapingan isu, anu misaicelang kisu cayka utang, a malacacay kita atu ading, matalul, suayaw, macakat, lipahak, caysengal, ngutad, ading malecad tu nisa adiding tu ita, u ading ita amana haw, kawnika cacayen ita kalaluk kyu cayculal ku tangah.

u ading mucebang tu nikabalakiyan ita, nanu wawa wakawaksahen ku ading,katukuh ini kataniktik nu udip, katukuh ini kabalaki makunul ku ading, malawit cay tu tiku. simacecay amin ku tademaw tu ading, la’tus kaw caykaw papili’an, caypiliyas. paenengenta ku kasenengan a ading, tadimecmec han kuni cakatan ama udip, ayda yanisaicelangan isu paayaw tu ading, anu duma tu a demiad caykanca paini tisuwan tu telatela’.

anu idaway tu ku takelal i daway tu ku ading, sisa u tademaw kay tini tu haw i takelalay,pasayda i takelal, milikeluh tu sakasaan tu takelal, manakaytidatida tu i duutay, milamel i duutay. anu maselu’ i duutay haw, pisaicelangi tu tayda i takelalay, anu i teban nu dadan madaceb nu yadahay a bades, amana pisayadah ku balucu’, u sakasaan napacitan haw idaw tu ku sananal, anu maledu tu ku balucu’, sahemhem, sadungdung a nisimsim tu tatudu’en lalid misaicelang, mutenes kya haw kanca maliyaw isu ku duutay.

107 年全國語文競賽原住民族語朗讀【撒奇萊雅語】 國中學生組 編號 4 號
影子

影子喜歡太陽和月亮。影子就像魔法師,在我前後出沒。

中午又没了蹤影,它是我的分身,我做什麼,它也做什麼。影子沒有生命,但因我而精彩。烈日下努力工作的人,看得到自己的影子;躲在陰影下的人,看不到自己的影子。

人生就像跟影子賽跑,你永遠追不上它,但它隨時停在身旁。我們要做個身影合一的人,勇敢、正面、向上、樂觀、積極、進取,影子就是我們自己的縮影。

影子記錄我們成長,孩提搖晃的身影、年少英挺的身軀,再到老年彎著腰的背影,走過就不再重頭。自己的影子,好壞都無從選擇。唯有把握每個人生階段,今天你為影子努力,日後影子會為你喝采。

有光亮才有影子,人必須常在光明之處,迎向光明。如果不幸正處在黑暗之中,也要努力向光明前進。如果路途中遭遇了許多的困境,也不要灰心,因為黑暗之後就是黎明,只要有恆心、耐心,堅持理想與目標繼續努力,ㄧ定可以脫離黑暗。

文章資訊
文章年度107
文章編號4
文章組別國中
文章語別撒奇萊雅語
族語標題u ading
漢語標題影子
文章作者督固‧撒耘
漢語摘要