106 年全國語文競賽原住民族語朗讀【撒奇萊雅語】 高中學生組 編號 3 號
kada a daesu

amalakada a tademaw amed, nika anu makadaay a tademaw, idaw aca ku ilabuway nu balucu’ nida tusa kilim tu da’su. “ da’su ” hakya ameday adidiay a kawaw, hakya u dadiw, hakya u ziwga, matumes nu namuh mikawaw tu kalipahak kansa “ u da’su ”, uyda abesaay, anu matatungus sa, “ u da’su ” kayda. katuud ku pakuyuc a udip, mangelu’ mukilim tu da’su, nika isasa’ nu sadipa’ ku da’su, luunghan maala tuway.

matekesay atu bangcalay a tuud, hakya caay kaw da’su, alahican u da’su mapicpicay. nika anu matatungus tu datengen isu, anu mahicahica? unikayda isu mada’suway, sakasaan u da’su hananay yanikaydan isu a lipahak.

u da’su cayay katebing, alahican kaliwhan ita namahica katayni? tenga’ “ unikaudip sa u babuwakan nu da’su ”, u kakaydihan a kawaw, mudadiw tu kakaydihan isu mudadiw, waniken isu kubeday, ya aliyacay i balucu’ isu liwanitu ku adiding, papaluman tu kilang nu balucu’, basbasen, padameki, adihen tu ku nihaymaw tabaki, u da’su kuyda.

u da’su sipaladayi, sipasubana’yi itawan, kya a matineng ku taw tu nikaymaw isu tu heniyan, kya katuud ku sida’suway a tademaw. mamin palada’, ibalucu’ay isu anu matumes nu namuh, u tabakiyay a da’su. kyu, kasawsawni mudateng tu sapiedap itawan, palada’ tu da’su.

u sakasida’su ku kapahay a balucu’, anu yaan, anu i cuwacuwa, ya da’su isu ya namuh isu, u tawa isu, pasubana’en ku nikadihan a tademaw. anu idaw ku nituduen isu, kaw nitudu’an isu ku saicelang, micapi tu ku da’su, dawis han u lima maala tu. mangelu’ mukilim tu da’su, mayca sakapahan ku udip, kya tayni mukilim ku da’su tisuwan. cacay kadaay a tademaw, u cayay kakada ku balucu’, u sasida’suway atu namuh. u macakatay a nikaudip, mikacaw i da’suway a balunga, muculil i teban nu bayu, mubihbih tu lipahakay a sakubad, mabahel i bancalay a tapuku. kinacacay caykaw nipateng misudikud, tadu makaadih tu i labuway a balucu’ nikasibalu i palaludan, api’ ku likat nu cilal. alaw u muenengay tu i dada’suwan.

106 年全國語文競賽原住民族語朗讀【撒奇萊雅語】 高中學生組 編號 3 號
平凡的幸福

做一個平凡的人很簡單,但是再平凡的人,他的內心深處都會有一個追求幸福的夢想。滿懷感激去做一件讓自己愉快的事就是「幸福」。

昂貴的、完美的事物不一定是幸福,有時幸福是殘缺不完整的。但只要你認為這件事值得去做,無論結果如何?幸福就是過程中的樂趣。

幸福的感覺很微妙,甚至有時候自己都不知道幸福怎麼得來?其實「生活就是一切幸福的泉源」,做自己喜歡的事,唱自己喜歡聽的歌,拋去一切煩惱,就是幸福。

幸福是需要分享的,把自己的幸福告訴別人,讓更多的人感受幸福。分享之後,心靈上愉悅而滿足,要記得幫助他人、分享幸福。

良好的心態是決定是否幸福的重要因素,將你的幸福、快樂、微笑,告訴每一個你所見到的人。苦苦尋找幸福,不如就讓自己變得更好,讓幸福來找自己。

一個平凡的人,只有內心不平凡,他才會感到幸福與快樂。一次不經意的回頭,忽然發現自己的心靈深處已是春暖花開、陽光明媚。原來,自己真的置身在幸福之中。

文章資訊
文章年度106
文章編號3
文章組別高中
文章語別撒奇萊雅語
族語標題kada a daesu
漢語標題平凡的幸福
文章作者督固撒耘
漢語摘要