107 年全國語文競賽原住民族語朗讀【南排灣語】 高中學生組 編號 4 號
na inamaramiyan a vatu

izua za rupipadrangan a vatu, na puluqem sana djemuak tua na sasanguaq a pusesetiseti a cuqelalj, na maleva sa tanpaci a cuqelalj a muri pasu tjumaq sa uri igaljuin anga a keman.

ka uri cemalivat ta cakar tazua, ini a mapukinemnem, pacunan a vatu ipatekuteku tua cakar, na temanpac tua na pusetiseti a cuqelalj a tja kudral tua nimadju.imaya mapumaramiyan a varung aumayana ku tjakudral a cuqeljalj nimadj aya kinemenem. nu maqati sa u qavan, tjara masuqazimanan(masupaulan) anga u angalj nu sauni aya.

imaya penaqulidan angata a nimadju a ina saqemamuwan, manu miremaljimaljiyan a mudingan, tu muri remekutj tazua vatu, ulja silupas azua cuqelalj aya varung, manu inia na pasusu tua kininemneman numadju, pacual a miremekutjan a mudingan nazua vatu turi ipaqecev auta, azau a rupipadrangadrangan a vatu, samalji sa na kemetu tu inianga pucuk, gemuregur anga pi gemureger.

ka mangalj azua rupipadrangadrangalj a vatu, “ putung! ” aya azua tinanpac a pusetiseti a cuqelalj,caljebuq a matua itjatekuteku ta cakar, sa sepaqabu anga tua zaljum, manu sepurpur anga azua vatu, mitjuljuk ita cakar ivavau, tu inianga pualang tu kemudanga! aya tua azua pinacuan ipatekuteku tua cakar a vatu, sinan tjuzuma a vatu. mana sipatulutulu tjanuitjen tu nakuya a marami aya patarevan imaza.

 

107 年全國語文競賽原住民族語朗讀【南排灣語】 高中學生組 編號 4 號
貪心的狗

一隻野狗撿到一根美味的肉骨頭,野狗高興地叼起肉骨頭準備回家好好享受。當牠經過一座陸橋時,無意中發現橋下也有隻狗,嘴巴上叼著一塊看起來比自己更大的肉骨頭,野狗心存貪念,想要搶來吃,於是擠眉弄眼裝出兇惡模樣嚇對方,好讓對方吐出叼著的那一塊肉骨頭,卻未料到對方也相同的動作回應,弄得野狗不知所措,不禁「汪!汪!汪」的狂叫了起來。

當野狗一張口時,嘴巴上叼著的那塊肉骨頭,很快地「撲通」一聲,掉到橋下的溪流中被沖走,野狗心急的不得了,急忙在橋上又叫又跳,但又無可奈何!誰叫牠如此貪心,竟把水中自己的倒影看成是別的狗。這則故事就是在教導我們不得貪心。

 

文章資訊
文章年度107
文章編號4
文章組別高中
文章語別南排灣語
族語標題na inamaramiyan a vatu
漢語標題貪心的狗
文章作者何鳳美
漢語摘要