106 年全國語文競賽原住民族語朗讀【四季泰雅語】 國小學生組 編號 3 號
minkmux na cquliq Tayal

cyunga qnxan na ita Tayal ga blaq calay. ini piyang moyay mtiyaw. Baha hmcwa, ana nanu yaw ptiyawun ga qutux qalang si psqun mwah mtiyaw. ini kusa isu ga isu, kingan ga kingan. qutux qalang ga si psqun mqumah ro msqun maniq.    

maki qutux ryax, akya Ipay mwah phapuy nniqun na qalang nya qani. Ipay qani ga mkmux hayi ro smoya musa mcisal tanux. trang ryax qani ga, nya ini qbaq ryax mcisal tanux ro si ski llungun nya qa yaw na phapuy qani lga, memaw mnkux la. si giway ktlyung musa muyax. ro tqqoh calay phapuy mami trakis. phapuy mami trakis naha qani ga, magan bwax trakis puyun lga mtngi qabax cquliq qutux qalang naha qani la. lmnglung qa Ipay qani maha, gbyan qa phapuy ta minqutux loyi, aqu iyat ta qblaq mcisal tanux babaw knryax qani loyi. wal maha kya mnglung lga, si agal nanak kinbaqan nya. mpux qa bwax shapuy nya. ana uyi ga tpihun nya qa biyok ro akya pu’ ing nya qa hbyatun ga, ini hiya ya, papak na biyok kutan nya hiya. akya maha teta piyux qa hnapuy nya hi na qsinux qani ro msthay lga, giwan bung na nniqun gbyan maha.

si taliy qa hnapuy nya mami qani, hwahan nya umk qani lga, nya si kntu mlaka qa piyit. ana biyok wal nya kutan papak qaca uyi ga, memaw mtwayak mgyas ro halan nya pqiyu qabax ana nnanu na qqsinux.  

garing kya lga, wal m’ iyux qnxan na ita Tayal la. smoya ta maniq trakis ga, nanu si ga lokah ta mqumah, mica qa musa mtngi ktu ta. ana ga, piyit qani ga lokah calay mwah maniq trakis. ini klhangi lga, soqun nya maniq la. ana nnanu na qqsinux uyi lga, ini the mwah ksobeh cquliq la. si tlqeng kya rgyax. nanu smoya ta maniq qsinux ga si ga musa qmalup qa mlikuy Tayal.

106 年全國語文競賽原住民族語朗讀【四季泰雅語】 國小學生組 編號 3 號
懶惰的泰雅人

在太古時期,泰雅族的生活是過得輕鬆自在的,所有的事務都是一個部落的族人來共同完成,不分彼此。就連耕作、吃飯也是一起進行。

有一天,輪到倚拜要來打理部落一整天的用餐。倚拜生性懶散又好玩。這一天,她又像往常一樣地出去玩,玩著玩著,突然想到要做飯給部落族人這回事,於是急忙回家要烹煮小米飯。以前煮小米飯,只要五粒小米,就可以餵飽族人一餐的量。此時,倚拜異想天開,為了省事,索性就在鍋中加入十粒小米,連同晚餐的份都想一次完成,藉時才不會影響下午的玩樂時間。至於山豬肉的烹煮,一般只需要呼喊山豬,在其身上拔一根毛放入鍋中煮,即可煮出全部落所需的份量。但她並没有如此行,她將豬耳朵砍下,想說這樣應該可以煮出相當的份量,連同晚餐一併解決。

結果,她煮的那鍋飯,鍋蓋像要飛似的,當她打開時,麻雀從鍋中紛紛飛出;耳朵被砍下的那頭豬,伴隨著慘叫聲落慌而逃,逃到森林中,並將人類的惡行告訴所有的動物。

從此泰雅的生活型態完全轉變,想吃小米,就得努力耕種,也才得以溫飽。但麻雀卻非常喜歡吃人類種植的小米,栽種的過程中,必須要時時看顧,否則會被牠們吃光;而同樣地,所有的動物也都不信任及接近人類,牠們都躲在山林中,所以,當我們想吃肉時,就必須要辛苦地出去打獵。這就是懶惰付出的代價。

文章資訊
文章年度106
文章編號3
文章組別國小
文章語別四季泰雅語
族語標題minkmux na cquliq Tayal
漢語標題懶惰的泰雅人
文章作者呂美花
漢語摘要