106 年全國語文競賽原住民族語朗讀【茂林魯凱語】 國中學生組 編號 3 號
mutumia nia ka pavavale yadra

3:1    pavavalela ka técavena mu, adra ikirimuru ku sububuruli mua, pikia kedrɨdrɨn mu ku tumia yiali mwa.  

3:2    sububuruli mwa ka sakeragagi ma musu modridripi.

3:3    adra igia sevégé dria ku matɨkadrɨngé na sarkiké, mukukia eremu skekere, piké kedrɨdrɨ mu.

3:4    tumé su nia ka, kedaleme ma swa Ticico mitia Plenge gare.

3:5    csasana kedrɨdrɨme musu tɨkabkane singiaro Ticico mitia Plenge gare, adra iptalu ku rigiline su.

3:6    ku makadopa su nga, tumia yiadra Ticico mitia Plenge gare singiarava, ka ongkia nema swa ku margi na daderane.

3:7    adra margigili urugu kɨkɨ yia, amania tɨmagare pikilivu Ticico mitia Plenge gare, svagé na tɨkakuratha.

3:8    tumé ni nia ka, tumé na amara margi subua, duru ma psabuene ku madula swa, netɨrɨtɨria nga.

3:9    mradia ku maragi nga aduduka su na makainunga tonma bwi Ticico mitia Plenge gare, pikilivu tɨmagare musu.

3:10  tuma su nia ka tɨsɨkala su nesɨtɨma na kene, repsé ku bova na pɨva tédra nga na tɨpéka.

3:11  pavavale la ku técavena mu, adra yara takicene cengle ku sububuru ni Ticico mitia Plenge gare, ara yara tɨpazangere ku musu dra itɨmai nia yiadra.

3:12  ku aburuburua dra Ticico mitia Plenge gare ka amani ku kadelama dra na ico, patumé na mama buburu dra vlakedra.

3:13  usɨlape ku sirigu na ico ka, iké ku skadraru dra mukununga ku técavedra ka iké ku skadrarudra.

3:14  sirigu ka margi la nia ging, makecɨcɨngé la na king.

3:15  sirigu ka uribatɨla na silivi mkedrɨsa, iku smanga yia su ka tédra na nutumé ma dria.

3:16  sirigu ka sakodridripa ma musu nia, amani ku sakedrarua su.

3:17  sirigu ka amani ku nupukabebere ma swa ku maka depa su nga, nemɨce ma swa dovdavece ponké margi na dadrane.

3:18  margigili na ico ka, iké skadraru dra, sirigu ka nubé madria na skodripi.

3:19  Ticico mitia Plenge gare asarké sirigu dra pétha kétakme nga tɨnɨlenga, rigilene dra ka piké Tɨbɨlenga.

3:20  makarigua dra nga erepesé drekerle moludru, pide dria kurukurungu msamɨsɨme.

3:21  parevavale la tévena mu pikia nia sirigu su si acngla su rigu, adra nia ipigia.

3:22  pkabebere ma swa kini, mragi ku makadepa su nga.

3:23  nungké ma musu ku téledreke na daderane, dovdavece noborvia musu.

3:24  nukeragi ma swa na tlocacegé su, siené sierke mua na mliere ni nga, ikuludru musu yia.

3:25  nukulu dria musu yia nukuné midra ku spatérubuli miya, tumé na uthili pucupucu bɨsɨbɨsɨ mukuné makurathɨ ku técavena dra.

3:26  Ticico mitia Plenge gare nuké ma swa loklakebe azéng mia musu, nudulia musu kubuara.

106 年全國語文競賽原住民族語朗讀【茂林魯凱語】 國中學生組 編號 3 號
給年輕人的忠告

3:1   年輕人哪,不要忘了我的教導,要時時記住我給你的指示。

3:2   我的教導會使你四季平安,延年益壽。

3:3   你不可離棄中誠信時,要把他們系在脖子上,寫在心坎裡。

3:4   你這樣做,上帝和人都會喜歡你。

3:5   要專心信賴上主,不可以靠自己的聰明。

3:6   無論做什麼事,都要以上主的旨意為依歸,他就會指示你走正路。

3:7   不要自作聰明,只要敬畏上主 ,拒絕作惡。

3:8   這樣做,等於得到良藥,能夠醫治你的創傷,止住你的疼痛。

3:9   你要用田地的最好產品獻給上主,,表示對他的尊崇。

3:10 你這樣做,你的倉庫就會充滿穀物,新酒盈溢,儲藏不下。

3:11 年輕人哪,不可輕視上主的管教,不可忽略祂的警戒。

3:12 上主管教他所愛的人,正像父親管教他的嬌兒。

3:13 尋求智慧的人有福了;找到悟性的人有福了。

3:14 智慧比銀子更有益處,比精金更有價值。

3:15 智慧遠勝過珠寶;你所愛慕的沒有一件可以跟他相比。

3:16 智慧使你長壽,也使你富貴榮華。

3:17 智慧使你過愉快的生活,領你走平安的道路。

3:18 聰明人有福了,智慧要給他生命。

3:19 上主以智慧創造世界;祂以聰明安設天空。

3:20 祂的知識使江河湧留;祂使密雲降下甘霖。

3:21 年輕人哪,要持手你的智慧和見識,不要讓它們溜走。

3:22 它們會使你過愉快、歡悅的生活。

3:23 你會走在平坦的路上,不至於跌倒。

3:24 你會安然躺下,一覺睡到天亮,用不著害怕。

3:25 你不用擔心災難突然到來,像風暴臨到作惡的人那樣。

3:26 上主要保守你安全;祂絕不使你掉進羅網。

[本篇漢譯出自於《聖經 箴言3章》]

文章資訊
文章年度106
文章編號3
文章組別國中
文章語別茂林魯凱語
族語標題mutumia nia ka pavavale yadra
漢語標題給年輕人的忠告
文章作者魏頂上
漢語摘要