107 年全國語文競賽原住民族語朗讀【卡群布農語】 高中學生組 編號 4 號
pasiza’

cikopa ka hapav dalaq ti tu miniqumic, ciqopa ka sidoq heza amin na anak’anak ka vevivevi palcicia kipasiza’ tu delaz, maszang tu heza amin mita i tu bununpasiza’ tu delaz.

maqe pasiza a, cia ki bananaz za munhan binano’az tu lumaq, masatu’ ibabu’, cin pa’is’av vi naminmavala’tu testulumaq hezang ngi tesi’an nai, asa tu pisbusukun, pi’aboqanun cin pinaskalun, nanutu nitu maqtu heza a iskaho’an.

maqe manaskal la naminmavala’ a, namanaskalamin nai tuqumic ci naminpakatuszang tu uvazaz, maqe tunganin paka’un na, patukbac ca mavala  i qudan kakonun,mintun pacoqesan ni babu’, nakonun nimavala’ han dantun. nakanaqtungin na pasiza’ tusinluc’an na, maqtu’in pakanmavala’ paluluklac,maqtu’in amin na pinilumaq dasun mulumaq, maqe kalumaqin na ni’in tu moqna paka’un.

macalpu sadu ki lopuku tu pasisiza tu sinlucan, asa tu i han bananaz tu lumnaq paka’un, na’asang tu i han binanoaz tu lumaq moqnang lucan paka’un, maszang ngi mupusan pasiza’. nanu tu ni’in maszang ngi i tu bunun tu pasisiza’.

mamita bunun na pasisiza’ a heza a tupa’un tu samu. maqe lopang pasaqal pakaviaz za asa tu macingav vi tatini tu pakatac’an nopa, mqe tastu sidoq qa nanutu nitu maqtu pasisiza’, tupa’un tu samu, masamu mac pasiza’, maqe mitmang pasisiza’ a nakihaz zi tastulumaq, nani a inoqomican masicihal, ni amin na mekikinga makackac. maqa masau luc’an ni pasisiza’ a ’uka’ tecan asa muchu cin minhamu. opa mac paqosil li babu’ a, nasihamu’un mamin na anakanak tu tecan paqosil, samu anak ma’un ni anak uvazaz tu titi. naminsoqzang nga tastulumaq, namikanang nga inuqomican,namulatpu’ a mekikingna. angang qa asa ata kapimopa ki i tu madangaz sintaqo tu samu.

107 年全國語文競賽原住民族語朗讀【卡群布農語】 高中學生組 編號 4 號
婚姻文化

每個民族都有獨有的婚姻程序與文化。

布農族在以前,男方會前往女方部落舉行婚禮、釀酒與殺豬,讓未來的親家高興,使其吃飽喝足。

婚宴尾端,女方會回請男方飲料、食物。此時婚姻大事宣告完成,成為親家,結束後,男方就把女方帶往男方家,不再舉辦第二次婚禮,也沒有再宴客。

布農族傳統婚姻制度叫做samu。如果男女雙方剛接觸認識,一定要詢問對方是不是masamu。若對方母親與自己是同氏族,就是masamu。違反masamu會牽連氏族,沒有遵守這律法,會致使家族家道中落,絕對要謹守與遵循。

布農族遺訓認為,若回吃已送給別人的食物,爐灶會倒塌,無法旺盛,傳宗接代有問題。若違反masamu,在分享豬肉時,雙方家族一定有人會吃到已經送給別人的豬肉。

我們要謹記婚姻的制度、婚姻程序,謹守布農族的文化。

文章資訊
文章年度107
文章編號4
文章組別高中
文章語別卡群布農語
族語標題pasiza’
漢語標題婚姻文化
文章作者松光輝
漢語摘要