106 年全國語文競賽原住民族語朗讀【郡群布農語】 國小學生組 編號 2 號
Bunun tu sinihumis

Bunun maisna habas tu sinlatuza hai mahtu tupaun tu Hanitu kanadan, aizan dau amin iskaupakaupa minihumis mas Hanitu, tasatasa tu Hanitu hai aizan amin mas makitvaivi tu tamasaz. Pahasia ni kata Bunun mahtu katmang malkasia iskaupakaupa tu minihumis, cinahu mailantangus tu asa dau tu mapasamashing. aizan dau itu bunun taniku tu tanaskaun mas tanavili mas hanitu, maza mantanaskaun hai masial tu Hanitu, mantanavili hai makuang tu Hanitu. sain tu hanitu hai masaiv bunun mas abdit, maham, masumal tu iniliskinan, mantanaskaun hai madas bunun mahazaszas, madaidaz tu iniliskinan. aizang itu Bunun maisna kitngab tu sinlatuza hai Dihanin, saiia hai iskaupakaupa tu kinitngab, itu bunun isang tu Tama Dihanin. latuza amin Bunun mas taisah sinmas lapaspas, mahtu kangaus tahu mas maitaisahcia tu napalanduan, mahtu amin kanasia lapaspas ladangaz sin palisnulu.

Bunun tu islulusan hai, patalishut mas maduh, lusanan tu hanian hai cisuni malvasvas katdan at ni tu mamaszang. masa saipukun mas Lipun, kasan kata Bunun mapadanuh mas paz, pasauzun mas mahtu isbaliv tu isusuaz, maisna vaivi siduh tu sumsuman hai samakuangan at lahnutan, maza maisna habas tu islulusan hai mungab aminun mapacisu. laupaku itu Bunun isnganan tu lusan hai, siamas ispasasadu bunun tu Manahtangia. mastan laupaku Bunun liskasia kilistukiu, tinsikiu, aiza duma habas tu islulusan sinangadahun sia kiukai, mapalmaupang mas islulusan habas.

Pahasia, mais ni kata musuhis munhuma pismaduh hai, nasupah imita isunhuhuma tu taiklas makanadidip sipungulun, isuka sia imita tu inihumisan.

 

106 年全國語文競賽原住民族語朗讀【郡群布農語】 國小學生組 編號 2 號
布農族民俗風情

布農族的傳統信仰是以精靈Hanitu為基礎,Hanitu是指動物、植物、魂魄等自然物所具有的精靈,而每一自然物的精靈皆有其自己獨特的內在力量。人類擁有兩個Hanitu各在左右肩上,左肩的精靈是性惡,使一個人有粗暴、貪婪與生氣等惡念的表現,右肩精靈則是引導人從事慷慨、友愛等善念的行為。布農族還有一個傳統信仰觀念是Dihanin,這是天的意思亦稱天神,Dihanin是所有一切的源頭,更是人類心靈的天神。另外,布農族人相信夢境具有占卜的意義,能預測作夢者未來運氣,法術的運用,也有輔助與溝通的功能。

布農族的歲時祭典,與小米種植密切結合,祭儀日期因各社群居住地而有很大的差異。日本統治時代,日本人強迫布農族人種植水稻,加上經濟作物的改變和外來宗教的污名化及禁止,使得歲時祭儀受到重大衝擊,幾乎停止舉辦。目前布農人最負盛名的祭儀是與官方合辦以迎合觀光所辦的射耳祭儀活動。目前布農族人多信仰基督教、天主教,部份活動取傳統儀式的精神,延續與傳承了布農族文化。所以,我們若沒有恢復種植小米的農耕生活,我們的農耕智慧將逐漸消失。

文章資訊
文章年度106
文章編號2
文章組別國小
文章語別郡群布農語
族語標題Bunun tu sinihumis
漢語標題布農族民俗風情
文章作者顏明仁
漢語摘要