106 年全國語文競賽原住民族語朗讀【丹群布農語】 國小學生組 編號 4 號
isia mangingihit tu kasihalann

tumantuk miliskin amin ata hinaiza mangingihit tu inqumisan, maupa amin aak. maqtu a mangingihit masaiv miniqumis ita nangqat, isaiv ita miniqumis tustustasqanian maqtu mangihit malisihal miqumis. tanam palaszag, maki namunkunbu i malivan, mangihit ta malilivan anpasdu malka suu, ihaan pasnavan pasadu uskukunan mapasumsum mangihit malka suu, sin isia tama tina sinkadaidaz tu kainaskalan, amin naingkun maqtu mapintamasaz imita mangan makitvaivi tu iuu mapinsial halang.

ihaan iniqumisan maki haiza paitu anak samantukan, tudipin namaqtu mahiav kanaqtungan singkuzakuza, muaztu ihan liniqaiban a haiza tupaka madia kadu’naun tu sinkuzakuza, duanduan tuza aas tisuni latasban madikla isang, tudip diaq al haizaan mangingihit sin pintamsaz maszang tuza musqasaqudan masaiv ita minqalmang a mangang sin tamasaz, masaiv aas ihaan kimataan tantangaus sikaupa a kadu’naun tu sinkuzakuza;maki palandu aas kaisalpuun tu sinkuzakuza, musqa’a mangingihit tunipin na maqtu mauman kaisalpuan isang;maqa mangingihit a maszang isqusqus pismaqsaim, maqtu amin masaiv ita mumuskun minpakasihal; Maqtu amin mangingihit lasais matmang tamasaz mauman minuliva tu iliskinan. paqpun maq a mangingihit haan iniqumisan titu maqtu piukaun tu ispintamasaz.

uqaitu, suqnisun a, maki ihaan aas ukaan mangingihit sin manaskalan tu dangianan, sikaupa amin miniqumis ihaan masunuq sin kazhavkazhav tu dangianan, miszang amin tisuni tuza atikis tu liva nitupandu pakakahau, Tasdiqanin ni a daqis qainanqainan. masalpu ka isang, lauqa minmaupa amin ukanin tatini tu kaviaz, niamin muaz maupati, maszang amin ata maki tisuni atikis singkuzakuza minpakahau nitu paqdut, mapinsubung miniqumis minqalmang. Ihaan vaivivaivi miniqumis, maszang amin tisuni, paluskun ihaan vaivivaivi miniqumis sinpakadaidaz daukdauk minpakadaqvis. qaltu, muaztuza lusqa mangingihit maqtu mapinuka i kankanang. paqpun, asa ata mangihitngihit na ni mita sinpakadaidaz minpakadaqvis, maqtu amin na inqumisan mlisihal, imita tu tastulumaqan minmakunduq.

ni a mangingihit muaz tuza katuskunan ukmaia tu qalinga, siatun amin minuni itaminiqumis mastan masihal ispuapul tu qaimangsut, maq ki amin mita daqis andas andas mangihitngihit, maqa sikai a na dungzav in minmanauaz minmasihal, haan imita tu dingdingngalan maszang amin makmuzan ni uasaun, altupa haan isaisa nanutu dangianan malisihal sin malinaskal.

106 年全國語文競賽原住民族語朗讀【丹群布農語】 國小學生組 編號 4 號
微笑的好處

想必大家都有過微笑的經驗,當然我也不例外。微笑可以帶給人們溫暖,讓人整天都可以開開心心的生活。例如,當你走進商店,店員迎面對你的一抹笑意,在學校同學見面打招呼對你的微笑,或者是父母對你愛的關懷所流露出的笑,都是能提振我們士氣的神奇靈藥。

在生活中如果自己有了目標,就想能早日實現,但過程中一定會有許許多多的困難,正當你因為挫折而傷心時,如果此時有了微笑和鼓勵就像一陣及時雨帶給你無窮的勇氣和力量,讓你突破眼前的一切困難;當你遇到傷心難過的事,只須微笑就可以排除憂愁的心情;微笑就像潤滑劑,可以讓大家的關係更加良好;微笑也可以代替暴力化解誤會。所以微笑是日常生活中不可或缺的精神營養劑。

但是,相反的,當你處在一個沒有微笑和歡樂的地方,這樣所有的人在憤怒與冷酷的環境下,都會為了一件小錯誤而吵鬧不休,整天愁眉苦臉、傷心難過,甚至可能會連半個朋友都沒有,不只如此,大家可能都會為了芝麻小事而吵的一發不可收拾,嚴重到造成社會大亂。在國際上,也因為這樣,國家和國家之間的感情漸漸疏遠。不過,只需一個微笑可以解決問題。所以,我們應該要多微笑才不會讓關係疏遠,還能讓社會更和諧,國家也會更安定。

微笑不只是世界共通的語言,他還是人們最好的化粧品,如果每個人臉上都常帶著微笑,這樣世界一定會變得更美好,我們周遭也一定充滿了希望,處處都洋溢著幸福與快樂呢。

文章資訊
文章年度106
文章編號4
文章組別國小
文章語別丹群布農語
族語標題isia mangingihit tu kasihalann
漢語標題微笑的好處
文章作者全淵能
漢語摘要