107 年全國語文競賽原住民族語朗讀【丹群布農語】 國小學生組 編號 3 號
paliuni samasqing paituanak tu sinlatuza

maaq a tupaun tu samasqing paituanak tu sinlatuza? sia “ paituanak tu sinlatuza ” mindangaz matungqaz imita iniqdian tu qasingi sia qasingi ti a maqanglas maki ihaan makaivakaiva isang, minmazav sinkukuza a mintasal minang maupa maszang aipa inak kaviazdainaz, ihaan ak mastan uasan indangazana mintasal tupa aipa.

ma ata miniqumis ukaan i samasqing paituanak tu sinlatuza, qabasin nitu maqtu iniliskinan. Lauqa amin sinkukuza, nitu maqtu minsia, nitu maqtu makanqunduq anvai, Lauqa amin tisuni taimangmangun latungqazun paiskaita nitumaqtu mindangkaz. Ihaan dingalan hinaiza sainanuan taqutu, inaak kaviazdaingaz tisuni paintataiv tusaus nitu usizaan bungu, paqpun matuvai a is-ang, paiskaita naip kitnga matuvai paituanak sintusas tu kaitamasazan, diaq al palandu as maupatu sinkuzakuza na piqauq kukuza? mintamasaz aak mainsun ista, nituqalmang malaktan, maupa i maqa paintaivtaiv a nitu muaz usa-an, haizang namadia bahi maqtuka maupati qalmang malaktan sinkuzakuza?amintu maqtu ata tisuni musantuza lavaian musuu tuqna ail-anakan tu taiklas sin mainadiqanin sinsaiv tamasaz?

tu tuza tu, musuqais minliskin ihanang aak pantutikis, tisuni maqa sinpatanam a nitumasihal, paqpun matuvai a isang, Altutupa ki makuaq a tastulumaq taisan ma-insun aak, nanu a maqa maldadaukang lainitungqazun is-ang talmadin nitu maqtu suqisun minmuqna, ni aak maqtu pintamasaz itungasang a paituanak tu sinlatuza, duq na maupatanaupa inliskinan malkasia sinkuzakuza, muaztuza mapindikla anakank tu sinkuzakuza. nitutalpia, sadu aak tas-a qaningu, ihaan qaningu tu binanauaz aupa i asa naip minuni mataisqang tu binanauaz, paqpun maqasmav naip masingav bunun pinanam, altutupa ki palandu ma kadudaundaingaz tu sinkuzakuza, niang amin mailaktan, ni amin sinisnis i inqumisan, latuza naip paituanak tu sinlatuza namaqtu saudip, isiata paituanak tu sinlatuza tudip maqtu minsia ka sinitaisaq, min-uni mataisqang tu binanauaz. sia qaningu ti masaiv aak mingna kamaqlu tumantuk anakanak tu kanang masaiv aak mingna kabaqlu mindangkaz. tudipin aak minmantuk paituanak tu sinlatuza mastan kaisaqbungun tu sikuzakuza.

maq ata bunun maki nitu samasqing paituanak tu sinlatuza, nakumaq aas samasqing anakanak? maqa samasqing paituanak tu sinlatuza a tisuni paituanak mainahan laupangtuamin tumantukun sin samasqaingun, latuza sak tu maqtu saudip a singkukuza, makanqunduq a sinlatuza tudip maqtu sauhan paituanak tu inliskinan. maqtu aas ukaan i minqalmang taiklas, maqtu amin aas ukaan i tamasazdaingaz liskidazan sin minqalmang kambav sindainpus, qaaltu asa aas ni lungulungu ukaan tas-a mazmaz-- samasqing paituanak tu sinlatuza.

107 年全國語文競賽原住民族語朗讀【丹群布農語】 國小學生組 編號 3 號
自信

自信是幫助我們克服萬難的小精靈,就像最好的朋友,需要幫忙時總會出現。

倘若人失去自信,可能什麼事情都做不好、無法勝任,也有可能一蹶不振。比賽不只一次,怎能因為一次的失敗就否定自己。

回想國小時,成績不理想,自信心受到打擊,不管家人如何鼓勵,挫敗的感覺仍久久無法平復,無法激起原本的自信心。後來,看了一部片,女主角非常努力地向別人學習,遇到困難也從未放棄,不向命運低頭,她成了一位知名的明星。這部影片讓我重新正視自己的問題,知道自信心有多麼重要。

連自己都不肯定自己,憑什麼要別人來肯定?自信心是對自己最基本的認同與肯定,相信自己可以做到,堅定的信念才能成就心中所想。可以沒有豐富的知識、強大的背景及豐厚的資產,但絕對不可以缺少自信心。

文章資訊
文章年度107
文章編號3
文章組別國小
文章語別丹群布農語
族語標題paliuni samasqing paituanak tu sinlatuza
漢語標題自信
文章作者全淵能
漢語摘要