107 年全國語文競賽原住民族語朗讀【丹群布農語】 高中學生組 編號 4 號
inaak mastan kadun tu diqanin

pangqan taivang manauaz i  maupa haiza ista masqas sinidailaz tu diqanin ihaan mintalaban haiza luqi tu-i-ia sin mahansum tu puaq haiza minqalmang tamasaz tu talaban mintus amin dala mindangqas tu minmakazhav mintus maduqlas amin kapav na minqamisan. haizan amin isia vaivivaivi tu qanianan itu anakanak manauaz tanaun Haizan amin anakanak makitvaivi tu nauaz. sikaupaka qanianan a mastan ak madu ki na minqamisan.

ihaan makazhav tu minqamisan nanu a kazhav sauhan tuqnaz latisuq tu qanianan madu ak takzang ihaan manangqatan sapalan ta ihaan makanbav tapaha ita tungqabin maliba mataqupsil asu nituniapniap dungzavin matunungsiv putniq masamaq mintun mumuqna laputniq masamaq mintun mumuqna tinpalkav nitu masqas pavaz i duqi qanian ni sanavan siati naka mastan kadun tu siati a inaaq mastan kadun tu minqamisan.

ihaan minqamisan nanu tu makazhav tu tu diqanin. maqanglas aak pihaan hiku taukdat nangqat sinbutiqu tanamang antala isiata makin dusa tu nangqat qaltu masuqbung a pinainuk haan inak sinsadu maszang mabailulu mali aupa i un aak nangqat mabalung nanutu tansihalan i sin-iqumis siati a innak manangqat tu minqamisan. 

ihaan minqamisan mintus amin maduqlas a qanianan. nanu aak madu ihan lipun paqaqainan paav minqalmang diqanin ta kusbabai uluzi a paav maina diqaninta munastuti mintun makisaupa tankinuz mintun amin makisaupa antasipal maszangtuza i nastasumal kadutnaun madamudamu. malmamupa sadu maduqlasan paav nanu aak tinquzaun nii amin sipungul makusia paav matasi bunun sin makupaav pasampanaq! siati a innak mastant kainaskalan tu minqamisan.

maqa minqamisan a ailuan tu qanianan. qanglas aak ihaan maki mal-uin pantu sadu masial tu sisipulun pinsius vaivivaivi tu taiklas; mintun amin paqaqainan madailaz sipapatass mintun amin sadu sinpatihaul sin pinqainantu sinbabazbaz; mintun amin sadu tilivi paqainan zingki punuq. mitmuquin muazin matinsu tuna palan tintakzang tinsundu pinasaq singnguuhuq putniq masabaq. siati a innak kasihalan tu minqamisan.

mintalaban laqanvang talaban madanuq na minqamisan kamaduq minqamisan madainpus tasqamisan minpaat qanianan mumuqna tinsuqis-suqis kitnga. kadunsalaz tu minqamisan maqtuang daqdaqanin maslisihal masabaq; manangqat tu minqamisan maqtuang masaiv aak makmuzan malisihal tu inqumisan; kainaskalan tu minqamisan maqtuang pangpungulan a inliskinan; kasihalan tu minqamisan maqtuang mapinasak isaang siati amin a inaak mastan kadun tu diqanin.

107 年全國語文競賽原住民族語朗讀【丹群布農語】 高中學生組 編號 4 號
我最喜愛的季節

台灣四季分明。每個季節各有美感與特色,而我最愛的是冬天。

冬天寒風刺骨,躺在暖暖的毯子,躲在厚厚的棉被,抱著毛毛的哈士奇,不知不覺的沉入夢鄉,這是愜意的冬天。

冬天涼颼颼,笨重的衣物讓人看起來像顆圓球。

冬天白茫茫,雪花從天而降,不忘忙著堆雪人、打雪仗,這是有趣的冬天。

冬天是休息時間,在寒假時看課外讀物,補充知識、玩拼圖,看謎語和笑話;看電視玩電腦,累了就直接往床上一躺,呼呼大睡,這是舒服的冬天。

春耕夏耘,秋收冬藏,一年四季,周而復始。愜意的冬,日日好眠;溫暖的冬,幸福滿滿;有趣的冬,忘卻煩惱;舒服的冬,放鬆心情,這是我最喜愛的季節。

文章資訊
文章年度107
文章編號4
文章組別高中
文章語別丹群布農語
族語標題inaak mastan kadun tu diqanin
漢語標題我最喜愛的季節
文章作者全淵能
漢語摘要