107 年全國語文競賽原住民族語朗讀【丹群布農語】 高中學生組 編號 4 號
Mastaan Kadzimauk Tu Diqanin

Maqasla mita diqanin tu minvaivivaivi. Maaq i mintalaban siin minqamisan a maiduduu a diqanin tu nitu makazhav, nii amin mabaqis; kaupa ihaan talaban a mabaqis, qamisan a makazhav. Lusqa tu maaq naak kastanun zaku mazima a, sia qamisan. Makazhav daingaz a diqanin ihaan qamisan. Maaq bunun a panqautupan amin i hulus. Mavia aak tu mazima ki qamisan i? Aupa nanii aak sait’an kuzakuza, sanavan masabaq a manangqat a aisabaqan, makatpal a sinpasapal, makatpal amin a qabang hihilun. Maqtu maliba ki az’az qutpsil tu Hacisu qaitmalun masabaq. Sautusqang naak ka aisabaqan ihaan qamisan.

Ihaan qamisan maaq bunun a maszang i mali mabubuqul sadaun. Aupa makakatpal inaita ka pinainuk. Ihaan duma dalaq lapavan dau, maaq a paav a maszang tutuza maduduqlas hana kusbabai, lahilhil i ismuut, lukis siin lumaq. Mastaan tu manauaz daingaz saduan. Mazima aak ihaan qamisan. Aupa madia a lulus’anan tu qani’anan. Lus’an Kulisimasu, muskun i tais’aan tusasaus, iungi, qaimal, maun i kucisuu. Ihaan pas’upain a qamisan tu sanavan a, muskun i malalabas bunun tan’a ki tusasaus siin iungi, matatala ki baqlu tu qaminsan, masatu ki tatuun tu qamisan. Ihaan qamisan a, pal’uunin aam ihaan  ka’ku. Manahip daingaz naak a is’aang. Aupa na maqtu aak masvala miqumis, kuzakuza ki kazimauk tu iskuzakuza. Muskun tamatina tantungu, munhaan duma dalaq mudadadaan; maaq i ilumaq a, tan’a ki CD, saduu ki inga, masipul i duma kazimauk masipul tu haqil.

Haizang lus’an Puut, tupaun mita tu Pavilung. Itusia aipi Tauluu tun tu islulus’an, musqain ata Takisilazan miniqumis lavilavi intuun lus’an. Maaq i lus’an Puut a, patantutungu a tais’aan, mukun maun, muskun manaskal. Malalabas amin a mainduduaz ihaan qamisan ti mapasisiza. Aupa madaing dau ka kanaskalan. Maaq a diqanin una, nii tu isdauk mukhuhuvai. Maisnahaan mintalaban, mukhuvai muhaan Talban; Mmaisnahaan minqamisan, mukhuvai muhaan qamisan. Manau’za amin a diqanin pun tu, sia naak qamisan a tutuza tu kaduun zaku.

107 年全國語文競賽原住民族語朗讀【丹群布農語】 高中學生組 編號 4 號
我最喜愛的季節

台灣四季分明。每個季節各有美感與特色,而我最愛的是冬天。

冬天寒風刺骨,躺在暖暖的毯子,躲在厚厚的棉被,抱著毛毛的哈士奇,不知不覺的沉入夢鄉,這是愜意的冬天。

冬天涼颼颼,笨重的衣物讓人看起來像顆圓球。

冬天白茫茫,雪花從天而降,不忘忙著堆雪人、打雪仗,這是有趣的冬天。

冬天是休息時間,在寒假時看課外讀物,補充知識、玩拼圖,看謎語和笑話;看電視玩電腦,累了就直接往床上一躺,呼呼大睡,這是舒服的冬天。

春耕夏耘,秋收冬藏,一年四季,周而復始。愜意的冬,日日好眠;溫暖的冬,幸福滿滿;有趣的冬,忘卻煩惱;舒服的冬,放鬆心情,這是我最喜愛的季節。

文章資訊
文章年度107
文章編號4
文章組別高中
文章語別丹群布農語
族語標題Mastaan Kadzimauk Tu Diqanin
漢語標題我最喜愛的季節
文章作者全淵能
漢語摘要