106 年全國語文競賽原住民族語朗讀【郡群布農語】 國小學生組 編號 1 號
minang auksa

Isia Maluku tu sinpinaskal tau bangkal maisna sia tasa sauluk sau sia siva sauluk hai, maupacin paitasan tu, muhna Iesu sia silas Kalili bunul daingaz masnava mas bunun. cisuni supah daingaz bunun at mapakinsasaing, kazin saia kudadaza sia hatu, at malanuhu sia hatucia. Hatu hai ingadah sia bunul daingaz, malalabas tu bunun hai kansisila sia Kalili bunul matuduldul. 

mapakadahvi Iesu masnava naicia, masnava saia naicia tahu tu, itmantuka kamu taaza! aiza tacini bunun kudip minang auksa. masa miminang saia hai, aiza auksa lanasia silas dan, at kaunun mas hazam. aiza lanasia masulakda, auksa hai maaipi mintalukai, haitu cisuni malapav auhsa, masa taisvaliun, maza ispul hai islaizu, musasu tu ni lamis isngadah, at isbusluk mataz.

aiza lanasia masukansapuz, masa taliain kansapuz hai asninguna sinpinang, at ni tu mahtu kalas. aiza auksa lanasia masialan tu dalah, taldain at mavisik kalas, aiza minsus tu min maciun, aiza minsus tu min manumun, aiza minsus tu min tastu saba. tuhna Iesu tupa tu, maza aizan mas tangia mahtu istaaza hai, taaza amin!

[indent]Sain hai sinpakadahvi, maza auksa hai itu Sasbinaz Dihanin tu halinga. lanasia silas dan hai maszang mas taiaza halinga, haitu pansu Satan antaban mas inaicia isang tu halinga. aiza maszang mas taiaza halinga, haitu ni tu saungadah sia isang, mais mihdin hai macinsu mapacisu. aiza bunun taiaza mas halinga, haitu supah asning mas halinga tu tailian, ni tu mahtu kalas. haitu, aiza bunun maszang mas lanasia masialan dalah tu auksa, masa taiaza naia mas halinga hai malishut antala, at macislas, aiza minsus tu min maciun, aiza minsus tu min manumun, aiza minsus tu min tastu saba.

106 年全國語文競賽原住民族語朗讀【郡群布農語】 國小學生組 編號 1 號
撒種

耶穌在加利利湖邊教導人。因為聚集在他周圍的群眾非常擁擠,他只好上了一條船,坐下。船在湖上,群眾沿湖岸站。

耶穌用比喻教導他們許多事,在教導中對他們說:「你們留心聽啊!有一個撒種的出去撒種。他撒的時候,有些種子落在路旁,鳥兒飛來把它們吃掉了。有些落在淺土的石地上,種子很快就長苗,因為土壤不深,太陽一出來,就把幼苗曬焦了,又因為根不夠深,枯乾了。

有些落在荊棘中,荊棘長起來,把幼苗擠住了,不能結出果實。有些種子落在好的土壤,長大成熟,結實纍纍,有的收成三十倍,有的六十倍,有的一百倍。」耶穌又說:有耳朵的,都聽吧!」

耶穌又問他們:「你們不明白這比喻嗎?那麼,你們怎能明白其他的比喻呢?撒種的人撒的是上帝的信息。有些人好像落在路旁的種子;他們一聽了信息,撒旦立刻來了,把撒在他們心裏的信息奪走。另有些人好像落在石地上的種子;他們一聽了信息立刻樂意接受,可是信息在他們心裏扎根不深,不能持久,一旦為了信息遭遇患難或迫害,立刻放棄。再有些人好像撒在荊棘中的種子;他們聽了信息,可是生活的憂慮、財富的誘惑,以及其他各種慾望紛紛而來,窒息了這信息的生機,無法結出果實。

但是,有些人好像撒在好土壤裏的種子;他們聽了信息,領受了,並結出果實,有的收成三十倍,有的六十倍,有的一百倍。」

文章資訊
文章年度106
文章編號1
文章組別國小
文章語別郡群布農語
族語標題minang auksa
漢語標題撒種
文章作者顏明仁
漢語摘要