106 年全國語文競賽原住民族語朗讀【茂林魯凱語】 國中學生組 編號 1 號
sokodipi ka sikiulane

sokodipi ka kikiulane, adra italora kecapanngenga nia pigia, ikia ku tuluné ni mra pitisuragi kedrɨdrɨme ni na ico, makaviene nga mra ngikemani pubuele iké ku tuluné ni. pikilivu musu na makaiconga ku sekargi dra, kumidra ikia ku iyene tumanedra ku sarkédra, iké na ico ku agia dra ku tumé mia si liké ku spadrɨsenge dra na spatérubu, iku tuma dra nia ka niké ku leséli na pasupara kwa ma. mra bwi vola na ico ku kecenga su si prevéké su, psaleké musu kedrɨdrɨme su ptapedrɨnge nga biciringi ku tumane dra, depa dria ku pakedrɨdrɨma su kutumé dria mia ku yiene, makasi tédra swa na samoru mua depe pétha tumé.

mra piri ngɨsa na vengɨlé, bwi dria ku kubé iya su pakedrɨdrɨme ku técavnadra, stalese ikiké swa na magagucu kiliveke si driokai ma ku tecavena su, iku tumanedra dria ka masikiulane ku sokodipita ka makaiconga ina mré su nia singiaro ngutuluru tumé kené makasarkikénga mwa depe, kumi su ikia ku makatéka su nga, nuduru ma musu cɨngle na ululuepe si udale, imusu ka nutumianga musu na torulu mtharingongo.

106 年全國語文競賽原住民族語朗讀【茂林魯凱語】 國中學生組 編號 1 號
生命是個奇蹟

生命是個奇蹟,別讓它輕易流逝,向他人敞心扉,每天付出自己。欣賞每個人的優點,不論他們有何經歷,有些人在艱困途中,確實需要一位朋友。分享你的恩賜,用你的心聆聽,做你渴想許久選一束花,給某個你在乎的人,常存恩慈寬恕,因為生命從不公平。

若你實踐這些事,不論你身在何處,都會發現陽光和雨水,而你不再感到孤寂。

文章資訊
文章年度106
文章編號1
文章組別國中
文章語別茂林魯凱語
族語標題sokodipi ka sikiulane
漢語標題生命是個奇蹟
文章作者魏頂上
漢語摘要