106 年全國語文競賽原住民族語朗讀【茂林魯凱語】 國小學生組 編號 2 號
kisisi ka uslape na skabebere

iké sessa na kisisi sakura tédra ku skabebera dra. lapakdrɨdrɨme, kuwa silepe ku nusakrabeberali liya. makasi, ina skabebere ka ikanmidra kidri liya ki kisisi.

iké sessa na viene, kugia mwa rgerge silepe dria ku iké dria sirigirigu na talupu kububuru liya. lakububuru ku kisisi “ musu ka talupu, ina skabebere ka ika tékadra kidri? ” labiri ku talupu “ ina skabebere ka amwa miti ngikemani silepe. ”

kisisi ka susikérodrunga iké rgerge ngupaingungulu silepe. gia ngergerge, ngorenana, msévagare angtu cngle, msévadringi drɨlerle cngle, ptapɨdrenge silepe tporongu adringi ku makacɨkɨcɨkɨlenga.

makasi kisisi ka mdévlinga tigiadra silepe tédra icngle na skabebere.

ku kisisi tumani dria mukuethe kedrɨdrɨme dra ikerabrabre, pakicimonga biciringi na ungingecɨ siliké porongu. lagia avétha cngle ka liké asesane na cucuku iké déda, tarcacaga talevagare kukudra, ngingiecɨ pusopra kwa nia.

kisisi ka laribungu mwa pusopra dria ku cucuku mra bersɨ, cucuku ka mabebere takedrɨngé su mia dia ku kisisi, kedrɨdreme dra ku kisisi ka sakura na mabebere, si supungucinga angingiri.

kisisi ka lagia avétha tulucubunga devedevevace, cngle ku tikitikici na angatu ubsɨbsɨ dria tulucicigi, lara ku kisisi dengre pincege pititeke ku ado, nisadra nga itilucicigi miya. ku titikici na makangatunga, takdrɨngésu liya dia ku kisisi. kisisi ka suliké dria sukura mrabrabrɨ.

kenénga ka ku kisisi langirigu nga ika amani na pusopréta ico ka uduru ikemani mra ku matɨkadrɨngé na skabebere.

106 年全國語文競賽原住民族語朗讀【茂林魯凱語】 國小學生組 編號 2 號
山羊找快樂

有一隻非常不快樂的山羊,一直想要尋找快樂,但是,快樂到底在哪裡呢?

有一天,山羊決定去找最有智慧的貓頭鷹博士。山羊問:「博士,快樂到底在哪裡?」博士回答:「快樂要靠自己去尋找。」

於是,山羊就開始在森林四處尋找。牠越過開山、穿過小溪,抬頭看樹上、低頭望河裡,就這樣仔細地搜尋著森林裡的每一個部落。

但是,山羊走了很久,卻仍然沒有看到快樂。

就在山羊悶悶不樂的時候,樹叢間突然傳出呼叫聲。她走近一看,原來是一隻四腳朝天的烏龜翻不過身來,躺在地上大聲求救。

山羊連忙幫忙烏龜翻過身來,烏龜高興的謝謝山羊,山羊覺得心裡甜甜的,忍不住地微笑起來。

山羊繼續往前走,看到小樹被風吹歪了,牠立刻將小樹扶直,還把四周的土踩結實,好讓小樹不會再歪斜,小樹感激的謝謝山羊,山羊突然覺得好高興哦!

這個時候,山羊終於明白,原來,幫助別人就能讓自己得到真正的快樂!

文章資訊
文章年度106
文章編號2
文章組別國小
文章語別茂林魯凱語
族語標題kisisi ka uslape na skabebere
漢語標題山羊找快樂
文章作者魏頂上
漢語摘要