107 年全國語文競賽原住民族語朗讀【德路固語】 國小學生組 編號 3 號
Kari tminun

Sllutuc tcinun dqrijil(dkuyuh) ksun ga, ririh saw gaya knmalu ndaan dqrijil(dkuyuh) ni sqqaras dqrijil(dkuyuh) Seejiq. Mnsa ka kari payi rudan, “sexual ga nasi ini kla tminun ka laqi qrijil(kuyuh)dga, ida ssiqa balay seejiq”. Kiya ni smluhay tminun o pusu bi euda laqi qrijil(kuyuh).

Smluhay tminun ka lqlaqi qrijil(kuyuh) o ida empahung balay tmgsa ka bubu. Mhiyug nanaq siyaw empcinun ni qmita tminun, ini pseuda kari tmgsa, asi ka mdrumuc bi slluhay nanaq. Nasi wada qneuqu ka tninun laqi qrijil(kuyuh) nii dga, paru bi ksaang na laqi qrijil(kuyuh) nii ka bubu, maku sqada dxgal ka qyqaya tcinun uri. Sbiyaw o ana nanaq ksngun ka empcinun laqi qrijil(kuyuh) o ini bi ksiyuk rmngaw kingal kari, saan na knhuway lmamu ka qyqaya tcinun ni mbarah tminun dungan, slluhay ni slluhay bitaq mkla tminun.

Qtaun ka knmalu tninun laqi qrijil(kuyuh) nSeejiq do, ida spruun balay qmita eseisil seejiq, ririh pdungus qmita Gaya ptasan dqras ka euda saw nii. Kiya ka sdhagan dha balay qmita ka tcinun laqi qrijil(kuyuh) ta Seejiq .

Alang Seejiq ksun ga, smmalu lukus rudan sbiyaw, lmlamu qyqaya snalu baga seejiq, tninun rawa qwarux…dnii ka pusu bi knkla kndsan Seejiq. Saw ka lklukus ga mduuy lhang bhgay,lhang mqalux, lhang embanah waray ka scinun dha rakaw lukus. Pala tninun ga mduuy lhang embanah, lhang mqarux, lhang bhgay, lhang mgsama, lhang msaas ka scinun dha rakawknealang.

Snduray hari do, hbaraw bi tnpusu seejiq secis ga, niqan bi lnglungan dha mpbarah lmlamu klgan rakaw, ga dha seupu powsa kana ka ana manu nsbiyaw ni nsayang, ida mdungus bi lkusun ana ima. Sayang do mtnpusu seejiq na bunuh, ramil, lubuy ni lmlamu snalu baga qyqaya…dnii.

Niqan bi lnglungan mplutuc gaya ta sbiyaw, ana nanaq wada ka nsbiyaw dga, qulung niqan ka kngkingal kkdusan Gaya nSeejiq, asi ta nanaq pslutuc bitaq ana knuwan.

 

107 年全國語文競賽原住民族語朗讀【德路固語】 國小學生組 編號 3 號
編織藝語

紡織技藝正足以代表賽德克婦女的美德與榮耀。春陽部落的Bakan Nawi奶奶說:「女孩子不會織布是一件恥辱的事情。」學習過程中,母親非常嚴苛,不是透過口語傳授,只能觀摩教學,她必須自學自通。若織錯,母親會嚴厲指責女兒,甚至將織布工具丟在地上。女兒只能撿起織具,重新織作練習,直到學會織布。

賽德克族的編織技藝是女子社會地位高低、能否紋面的判斷標準。織布技藝對賽德克族女性的重要性,由此可見一斑。

部落文化特色有製作傳統服飾、手工藝、藤編等。服飾以白、紅、黑為主要顏色,布匹以部落素材,多為紅、黑、白、綠、黃等顏色構成圖案。近年來,許多有創意的設計師,除保留傳統特色,還融入現代元素,設計出適合大家穿著的服飾,創造更具原住民風格的衣飾。雖然時空變換,他們憑著一股熱忱和傳承文化的使命感,仍堅持用另一種方式,將屬於賽德克族的精神傳遞下去。

文章資訊
文章年度107
文章編號3
文章組別國小
文章語別德路固語
族語標題Kari tminun
漢語標題編織藝語
文章作者詹素娥 Lituk Teymu
漢語摘要