105 年全國語文競賽原住民族語朗讀【汶水泰雅語】 國小學生組 編號 3 號
Itaal

Gaga na Itaal ga, sinbil pasibaq na nanabakis, ti qahbaw ku waw na Itaal ga asi gi gumlu hiya. ukas ku pinatas na biru Itaal, pinungan nha sku kay nananabakis ru, sikaal naha sku ululaqy nha. payux ku wawaw nku Gaga na Itaal hiya’. 

mamaliku ga asi ki baq musa tumlalahu magan su qasinukumlahan su imu, kakanaril ga asi ki baq tuminuntara’ ayu su imu la ga patasan la. siturahu naku Itaal ku patasan hiya, iny patasy ga pasyaqan naha ru papagyarun nha i qalang. tahu ku Gipun laru sihakas niya’ ku matas la. sku hany ga nanak ku rarusa ka yaki Iwan Kanu, Lawa’ Tawyu’ ku matil’ ux.

maky i Tai An qalang Luliyun Paynux ga, payux ku qalapaw. sunga’ ku qalapaw i qalang Itaal ga kakalahangan su qalang, papasiyugan naku maliku qumbuwan malahang su qalang. su sawny la ga, pasikaruan nku mamaliku kinku makurakis, maquwsmasikakaru ru kaykian nha’. muwah ku Gipun la ru sihakas nya la. ana muwah umimaw ku wawaw na Siputu ga asy ki ini ungyi’ umubu ku qalapaw Itaal.

105 年全國語文競賽原住民族語朗讀【汶水泰雅語】 國小學生組 編號 3 號
認識泰雅

泰雅族的GaGa信仰,就是祖先的遺訓,也是一切行事為人的標準,更是部落間共同依據的規範,口耳相傳,並以各種型式呈現在泰雅文化。

在泰雅部落中僅有會打獵、顧家的男子以及精于編織的婦女,才能接受紋面的儀式,代表一種身分地位的象徵。後因日治時代禁止,目前僅有2位長輩還留有這美麗的紋面,是全國紋面耆老對多的鄉鎮。

泰安鄉南三村素有「高腳屋最多的鄉鎮」稱號。早期望樓是泰雅傳統建築之一,具有戰略考慮功能,夜間由青壯年輪值擔任警戒工作,後期望樓移至部落中眺望良好的地點,成為具有類似青年會機能的建築,青年男女相約其中,唱歌歡樂、聊天、寄宿等。日治時期,日人以風紀問題為由加以禁止。而歷經外來文化衝擊,望樓重獲新生,並成為地方重要建築文化特色。

文章資訊
文章年度105
文章編號3
文章組別國小
文章語別汶水泰雅語
族語標題Itaal
漢語標題認識泰雅
文章作者劉仁祥
漢語摘要