106 年全國語文競賽原住民族語朗讀【北排灣語】 國小學生組 編號 1 號
uri kitjaulanga men

katiyav ka kicaquaquan amen ta sikitjaulaula, manu kikemeda tazua madjaulj a namapeljuq nasadjelung a nia kininemeneman, talimuzav a men a mapuljat! yamanu uri kitjaulanga men, a uri kitukadanga tua tja gaku a paqulid ayamen! nu kipaqenetj amen a kemasitua pinatagiljan a magakku, tazua nekanu tja sinikeljang, ikatjena pulingalingav tua nema pacengcengceng tua nema pasalisaliv, mayanga nekangata rekutjan! tiaken atjalja kudralan aya, nuikamalaying a varung vaik a kizibung ta sinsi.

nu temulutulu a sinsi napasabiljiq, nu kirivuavuan a sinsi, na mimaulavan sakamaya! tjara saqetjua qulu ni sinsi, a temulutulu tjanuamen a tja qaqunuwan a situ. saka izua uta a temulutulu tua patjara sisenasenay patjara tinnau patjara undu patara zemuga menalang, katua situlutulu a zuma, izua paljakeljakev tua nia kinacavacavan a gusi. patje tucu a unemanga cavilj, magaljuanga a namazuluzululj a kakiljivakan a pinacalivat a luljayan tjanuamen. ayata tiamadju a mareka sinsi, izua tezengan izua pazekat, neka nululayan neka nusupilan, mavanasika namakeljang namacaqu amen tua semupu tua papaqaljayan, tua kakudan namadaudav, namapaulingav tua nanguaq tua nakuya.

nu semusu itjen tua unem a cavilj, matu ladruq a ravac, ljakua, nukipaqenetj itjen mutu sitiyavan azua ta pinacalivalivat. paljecul itjen apaqulid! kumaya tu drikit a qadav sa uri kitukadang tua ta gakku! mapaqenetj aicua ta pinakazuanan, na maciyuciyur a benuru a kivangavang; a ljemanguy a temulai; zemazav tua puvaquwan lemaying ta qayaqayam. aiyanga tja ljikayan tja papareqeci, ikauri makasusu tucua qadav.

aicua pasusangas tua nia kitjaula, izuanga sini papaulingalingav a kay nia sinsi, tu a tjalja pazangalan a titjena caucau, nakuya ikakemeljang tua tja cinvudan tua tja kinasizuanan. nungidanga saka meqacanga mun, izua nu sivalan, palikuzu a qemeljing a pusaladj tua su qinaljan, maya a dremaudrav tua napatulu tjanusun a sinsi naya! aiyanga paqulid aicua tja valisakedan! saka kudayin madjaljunanga tja kitjaula, uri mavadavadayanga itjen! kemasitucu kumalji kimainu tjara nia paqenetjen sakamaya a pazazekatj nia sinsi, maljimali sinsi!maljimalji ayamen auta tua luljayan apaquzip a nia matjaljaljak! magalju atja parekiljivaljivak, tjasi parepapupiculanga tjanuitjen amapuljat.

106 年全國語文競賽原住民族語朗讀【北排灣語】 國小學生組 編號 1 號
我們要畢業了

昨天,當我們正在預演的時候,很自然地有一股濃濃的離愁瀰漫了教室,雖然那只是練習而已,但是聽到那一句句的感恩詞,充滿了點點滴滴的校園生活及回不去的時光,深深感染了每個在校生與我們即將畢業的同學!沒想到明天就要踏出校門畢業了!記得一年級剛踏入本校開始,我們仍然是懵懂不知的小孩子,不知道什麼是正確的,不知道什麼是錯誤的,更是天不怕地不怕什麼都一副逞強的樣子!自以為自己最大,動不動愛打小報告。

每當老師在上課的時候常常會分心,沒有認真聽課,學校的規範也搞不懂,老師教訓時也不聽,一付不在乎的樣子呢!想到這裡,還真為難了教我們低年級的老師,真的很傷腦筋喔!還有教我們音樂的,電腦的,體育的,美勞的,及其他科目老師,還有顧我們健康的護士阿姨,如此點點滴滴到如今已六個年頭了!因為老師的耐心與愛心的指導,因為老師的不辭辛勞與不覺厭倦,使我們學到了很多很多包括讀書做人處事,各方面都有明顯的成長與表現並能明辨是非。

如果細數起來,六年好像很漫長,回想起我們曾經一起打球一起遊戲,一起游泳一起騎單車,一起看顧小米園追小鳥,還有笑話及訴苦的種種情景,一時說不完呢!但是沒想到明天就要離開母校了,驚覺怎麼那麼的短暫,好像才昨天的事兒呢!

畢業前夕老師一再提醒我們,一個人最基本最重要的是要懂得飲水思源,將來你們都會長大成人。有一天你有能力了,不要忘了回饋學校家鄉,曾經指導你的任何一個老師。真是捨不得呀!阿!奈何我們就要畢業了!從此各分東西!從今後,無論在何時何地,我們會永遠記得老師的諄諄教誨,老師我們感謝您!感謝爸爸媽媽您們的辛勞,您們的養育之恩!千言萬語希望將依依不捨之情,化為大家彼此的祝福,彼此的鼓勵!

文章資訊
文章年度106
文章編號1
文章組別國小
文章語別北排灣語
族語標題uri kitjaulanga men
漢語標題我們要畢業了
文章作者謝秀珠
漢語摘要