106 年全國語文競賽原住民族語朗讀【北排灣語】 國中學生組 編號 2 號
sinipazazekatj ta kitjaulaula

tucu qemacuvunganga mun tua tjelu a cavilj a kinituluwan, sa uri patudur paljevavav tua kakituluwan, ulja lemaying tua tjaizua kakituluwan tua caquan. kemasitucu ladruq anan a nuri pakazuanan, tjara secevung tua maretimaljimalji a pazangalan, ljakua kanakezeng a tja varung uri makakilawud sakamaya ika nusikakuda, tjara nu valayin sakamaya!

tucu seljavak aken tjanumun a kitjaulaula, izua za ku vinarungan, a ku pasemalav tjanumun! kipaqenetj aken ka undukay, temalidu aravac!kemacalisiyasiyanan a gemugu tua maraka ngadangadan tu takumikumiyan, (tia djaljavan aya, tia rakacan aya, tia vulungan aya) … matjatjuka cemabcabcab azua ljemizaljizav! izua za sinan djemuljat a palisiyan, seljavak itjen tua nasemicuwayan katua nasaceqalj a taliduwan. saka azua sinane taliduwan, izuatjemuqulj tjemukur penanaq djemuljat venacaq qemalu mekelj pakuvavav kemacakac venangulj matjatavelavelak mavaviljic.

nu maitucua seljavak a kicapicapil tua taliduwan, makayanga kemasizua kicaquwan ta kinacalisiyanan a situ, azua pinalingulj a djeljep zinugan tua nitjen a kinacalisiyanan a tjaucikel, papetemeljal tua tja gakku.

kemasitua kitulu ta situcuwan a vecik sisupuwan a ljingav, samakayanga pulingalingav tua ta kakudakudan a patjara kakanen patjara itung patjara umaq patjara palisiyan, aza tatuluwan ta menalang tua vecik, izua pinaru kinavatjesan, pinarucaucauan, pinaruvulungan, pinaruqadavan a maretimaljimalji. kemasicuay tu izuanga tja sikudan tu paljakev tua tja kinaizuanan a kadjunangan, tua tja sikavaljutj.

tjalja pumaljimalji itjen tua nakisamulja a gakku, nu kicevungan tua malalumalj tua semupu tua kinacalisiyanan, i sangasangas sakamaya a pakaleva, ulja sizangalan apatulu tua tjaivilivililj a kemacalisiyanan a mapuljat, siayanga za matjaljaljak ulja na palaljuv a papizazaya auta. ayata i tjumaq a tjalja paqulidan a kakitulawan ta kinacalisiyanan a kay.

au timun a kitjaulaula, ulja mun a nakikezeng tua nu varung, namadaudav a mapuljat, mayaya kipaqeteleng sa sepasaliv, mitemezenganu sakamaya kitulu tua nemanga sengesengan! ulja makaya kicevungan a venacaq tua pazangazangal a saliman, sa mavananga kinipaparangezan nua tjaqaljaqaljan, tjra izua su kamanguaq nutiav nusikatjlu, namayatucu a puzangalan tiamen a su matjaljaljak angata!

106 年全國語文競賽原住民族語朗讀【北排灣語】 國中學生組 編號 2 號
給畢業生的一席話

恭喜你們畢業,你們有認真負責的老師們,及設備完善的教學環境。看到學校的各項活動都能獲得家長們與社區的肯定。

村校聯運的隊伍,各班簡潔有力的班呼,一律母語呈現,博得了現場觀眾熱烈喝采!傳統民俗才藝,如頂上功夫,負重接力,射箭,刺球,挑水,扛小米,短跑;跳高,踩高蹺,打陀螺,接力,拔河。

同學們在參與活動中學會了母語,學校四周有文化圍牆,繪出了排灣風情!學校都有安排族語及文化課程。你們學會符號與拼音,藉著文字可以了解家鄉文化的種種風貌,如飲食服飾住屋生命禮俗等等。 

美勞課有服飾的圖騰設計,如幾何圖紋、人形圖紋、百步蛇紋、太陽圖紋。

最要感謝學校的用心,母語或傳統歌謠比賽都有亮眼的成績,呼籲大家來教導我們的孩子說母語,更希望看到你們比我們更好更有前途,這是我們做家長最期盼的了!

文章資訊
文章年度106
文章編號2
文章組別國中
文章語別北排灣語
族語標題sinipazazekatj ta kitjaulaula
漢語標題給畢業生的一席話
文章作者謝秀珠
漢語摘要