Ga slutuc ttinun meqedil nii ge, ririh so knmalu ndaan ma sqaras ta ita mqedil Seediq ka nii. Mesa kari na pai Bakan Nawi ga alang Snuwil hiya, netun ini kela tminun laqi mqedil dige, ssiqa daha seediq ka so kiya. Ndaan daha slluhe tminun laqi mqedil ciida ge, mpahung riyung ka bubu tmgesa, kiya mheyu siyo qmita tminun bubu na, ini spooda kari ka tmgesa duri, asi ka mdrumuc slluhe ka laqi mqedil ma kklaun na denu mesa.

Netun qnuuqu tninun na pala ka laqi mqedil nii we, ani kana qnsengan bubu na ma sqada na dheran ka qqeya ttinun duri, ini rrengo knkingal kari ka laqi mqedil, saun na mangal qqeya ttinun ma mbarah naq tminun slluhe, betaq mkela tminun dungal.

Taan ta knmalu ttinun na laqi mqedil nSeediq nii we, spruun daha qmita bale, ririh pdungus daha qmita Gaya ptasan dqeras ka ooda so nii. Kika sdhegan daha riyung qmita ttinun laqi mqedil ka ita Seediq nii.

Alang ta ita Seediq nii we, smmalu lukus ta rudan cbeyo, lnlamu kana snalu daha qyqeya seediq. So ka, rawa, btuku, tokan qwarux, bururu, takan bale, bunuh qwarux, duhung… knii. Niqan rako bhege, rako qarux, rako tanah stinun daha lukus rudan ta cbeyo duri, pala tninun de niqan rako tanah, rako mqarux, rako mbhege, rako mgsama, rako mgceyas stinun daha rako eluw ttinun pala.

Hndure saya we, egu kana seediq niqan lnlungan mpbarah lnlamu klegan ga daha slmeyan, spooda daha muyu lukus hndure, ririh plkusun daha mosa nganguc ma mosa msseli smmesun duri, kika niqan bunuh, sapic ma lubuy kana snlmeyan daha nii.

Niqan lnlungan daha mslutuc gaya ta seediq alang nii, ani naq wada ka ncbeyo dige, niqan knkingal knkdusan Gaya nSeediq ta dungal, iya ta bale plixi ka knkela na ooda ta nii.

婦女代代相傳的紡織技藝，正足以代表賽德克婦女的美德與榮耀。Bakan Nawi奶奶說：女孩不會織布被認為是一件恥辱的事情，女孩在學習的過程中母親是非常嚴苛的，只能用觀摩教學，不是透過口語傳授，她必須自學自通。

如果織錯了母親會用非常嚴厲的口吻指責女兒，甚至將織布工具狠狠丟在地上。

賽德克族的編織技藝相當出色，更是女子社會地位的高低，能否紋面的判斷標準。所以織布技藝對賽德克族女性的重要性，由此可見一斑。

賽德克族部落文化特色以製作傳統服飾、手工藝、藤編等。服飾以白、紅、黑為主要顏色，布匹以部落素材多為紅、黑、白、綠、黃等顏色構成圖案。

近年來，許多具有創意的原住民設計師，除了保留傳統特色，還融入現代的元素，設計出更適合大家穿著的服飾，創造更具原住民風味的帽子，拖鞋、包包及手工飾品等。

他們憑著一股熱忱、一份傳承文化的使命感，雖然時空變換，仍然堅持用另外一種方式，將屬於賽德克族的精神，綿延不絕地傳遞下去。