106 年全國語文競賽原住民族語朗讀【德固達雅語】 國小學生組 編號 2 號
Alang mqedin

Nqan kingal alang tnugiyo ba mqedin cbeyo sa, alang mqedin kesun daha ma uka rseno si, ini ekan ido, wano ba qrengun ka sknexun daha.

Ma stexan ali, moda phuling hiya ka kingal rseno ciida, wada mgedan ndaan na eluw, ni moda alang mqedin ma, qmita egu uuqun, mqaras bale lnlungan na, asi osa mangal uuqun ma qbusun na mekan uri.

Wada kingal rabi ka tntuyan na mgrebu de, nii daha shetun tibu babuy di. bobo na dungan, ini daha tduwa mege uuqun, qdalan daha gamil qhuni ma gamil sperih nanaq.

Ma so nii, eyux daha ngalang ptuting laqi ka rseno nii, kika qrapun daha ma plixun na dungan, netun so ini sruwa de puqun daha denu mesa.

Ye wada mkpiya ali di, ga msange tnqiyan keema ka mqedin ciida, mkela ka rseno ma asi na qreti ka negul, wada sliko qduriq alang na dungan.

Ma niqan kari mesa, mosa hiya rseno we moda pqerac si ma, kika kcugun daha moda hiya. Ma niqan uri, netun qduriq de sdrapan dnanga na bngehun daha ka quyu denu, ado qnyutan bngehun dige, ini beyo sklaan ka rseno kii mesa.

Kika qnrapan daha rseno meyah dehuk alang dige, lmawa seediq alang msseli pprengo mmaha kmciyuk alang mqedin hiya. Wada daha saan hmudur kana alang daha, bino msngari qbulic snqmaan, uka qtaan ani ttiquh qbubun daha, wano naq hei quyu ga sqerun hii di mesa. 

106 年全國語文競賽原住民族語朗讀【德固達雅語】 國小學生組 編號 2 號
女人部落

從前有一個部落的人,部落居住的都是女性,沒有男人,她們不吃飯,只吸煙霧。

有一次,有一個男人上山打獵因為迷路而經過女人社,看見女人們擺了許多米飯,心中非常的高興,吃飯時也毫不客氣的走過去,用手拿起米飯不斷的往嘴裡塞。未料,一早起來發現自己被關在豬舍裡,之後的三餐再也沒有之前的待遇,只給樹根和草根。

原來女人社把他捉拿是希望為她們生下一個孩子,她們就會放他走,但是如果男人不願意留下來,就會吃掉他。

過了好幾天,一天晚上,趁女人們晚上休息不注意的時候,趕緊割掉繩子而逃離,再度回到自己的部落。

據說男人走到那裡都會被捉走,所以人們很害怕經過那裡。如果有人逃走的話,他們會派遣她們養的土蜂、蛇去捉他們,因為那些男人被土蜂咬了之後,就很容易被追上。

之前曾被捉過的男人回到自己的部落以後,召集族人前往女人社,把她們部落全部燒毀,但灰燼完全不見她們的殘骸,只有許多的焦灰的蛇。

文章資訊
文章年度106
文章編號2
文章組別國小
文章語別德固達雅語
族語標題Alang mqedin
漢語標題女人部落
文章作者曾珍美
漢語摘要