107 年全國語文競賽原住民族語朗讀【噶嗎蘭語】 國中學生組 編號 4 號
semudad tu sasudadan

pitemawaR qangig tanan temaqsi, semudad ti patuda na Ripanan, tangi temanan sasudadan sudad, pitemawaR niz imi melana tu kiya sasudadan, wanayka mai azu anem niaq kenasianem na patudan. tangi deddan, patudan qawqawmanyau ta Ripanan semudad tu muaza sasudadan niaq temanan.

taytan ku Ripanan, pilay ti anem ku, azu maken supaRa iku ay sasudadan, qatenes qawka qalupun semudad, qakenutan ku nani, Rayngu iku semudad ay, padames qatenes qawka qalupun semudad, nazau qaRayngu ti iku ngid tayta tu tilibi seRai mawRat, padames pasi tuRantuRabi qawka qalupun semudad qanengi maynep. tangi sasusadan ay sudad, muwaza, yau qaya nizu qataqan ku Rayngu iku semudad ay sasudadan.

temanan saleppaw, melazuk pa mulepun sasudadan ku, melalazuk ti iku qeman, melalazuk iku muzis, timangu pilay anem ku maded ta ngayaw na takan, pazukatan ku sasudadan, taytan ku sasudadan, tuRpus ti anem ku. kumnut ti iku qaya, manna pataz muwaza nipazukat na patudan tu sasudadan, kumnut anem sastaR ti mai tu qunqunian, mai qakiya sasudadan, yau anem ku qalazukan palupun semudad,

wanayka qasiR mesuqas ti anem ku, yau sasudadan nengi sudadan, wanayka qatenes qawka qalupun semudad, yau sasudadan ay, kemilim pama ta zuman sudad qawka qapakala naqunian ta semudad, yau zuma kemilim ta zuman sudad mai qapakala tu naqunian semudad, yau zuma ussiq sasudadan tenes qawka mulepun semudad, nazau padames ti iku azu penu mengasan, qasiR melaziw ti duki, qalizaqan ku ay sataytan tilibi malaziw ti, ngid palupun tu sasudadan, kingan ku ti suani ku meniz ta temunawan temuRes, ngid palupun tu sasudadan, kingan ku ti utani ti duki tuRantuRabi ti, padames ti iku pilay, niz ti maynep lazat na pinilwppaw, wan tima aiku maded ta ngayaw na takan, mengasan palupun tu sasudadan.

maken ngid ti iku uRing mai tu sauRingan, wanayka sudadan nani kelawkawayan na pataqsian, azu buqaRes mai semudad, qaqayla ti patudan seRai tama tina, Raqana, maken melabut mai ti ngid sudad ya anem ta, qawman palupunan ta sasudadan qawka nengi ay pataqsian.

107 年全國語文競賽原住民族語朗讀【噶嗎蘭語】 國中學生組 編號 4 號
寫作業

每天放學前,老師總會寫上今日作業,雖然都在期待作業越少越好,不過天天都讓我們失望。

就算是最拿手的科目的作業,也要花一段時間;而討厭的、不會的科目會花更多時間,沒時間看電視玩耍,還要很晚才能睡。偏偏今天的作業很多,又都是不會的科目。

為了要早點寫完,回家後用迅速吃完飯,迅速洗澡,煩躁地坐在書桌前拿出作業。一看到習題,心就涼了一半。雖然曾經鼓起一股要完成作業的衝勁,卻馬上被打敗,作業的進度像烏龜一樣慢,電視節目已經播完,為了要完成作業,我不在乎時間越來越晚、我越來越累,家人都去睡了,我仍坐在書桌前緩慢做作業。

不過,做作業是學生的本分,而且如果不做作業,會被老師或父母罵,即使再怎麼不耐煩,還是盡力把作業完成。

文章資訊
文章年度107
文章編號4
文章組別國中
文章語別噶嗎蘭語
族語標題semudad tu sasudadan
漢語標題寫作業
文章作者江素珍
漢語摘要