106 年全國語文競賽原住民族語朗讀【噶嗎蘭語】 國中學生組 編號 2 號
sikaput ti tinaan meRasa tu tamun

melipayan nani palalanan ku seRay suani iku ya qalizaqan ay deddan, ta melipay taRbabi na qanengi masulun ti tinan matiw ta pababaliwan tu tamun meRasa tu tamun, aiku seRay suani ku manmu tu tina ku misis tu niRasan tamun, panmeng ma bula tu kelisiw tina ku. semanu tina ku qaya, wanma ta melipayan simunang aizipna meRasa tu tamun, yau lazat manmu misis tu tamun simunang ti aizipna.

paqanas imi semaqay kintulu, yau imi pakungku semaqay, azu mai qaniz sasikawman niaq. aiku seRay suani iku ta melipayan meRasa ti tu tamun simsuqas ti imi tu niana kenaw ’nay, uzusa nizu sinanang tu kenaw, niana qenaw ay, yau ussiq kusay, zau utulu tamun ngid qasasasetaR, temuzus tu tangi Raynguan niaq pama niana kenaw nazau ay, mayni ya kusay, Raqana ta pababaliwan tu tamun baliw tu tamun ay lazat, niz ti qananaman na aimi. yau temayta tu tamun tina ku, yau simtawik tu baliw tu tamun ay. ta melipayan aiku seRay suani iku qanengi semanu tu tina ngid qan qaniyau tu niana tamun, qanengi nantungu semanu tu qangidan qeman, nizan na tina ku meRasa, temanan Ramazan na paqan timaimian, melipay mai melusit semaqsaqay yau ta leppawan qawqawman malizaq imi tu melipay.

yau zuma temayta imi tu niRamazan ti qanengi qatuRiasan qeman ay qaqanan, ngid imi qan, sanuan niaq tina ku, nengi ti imi yau semaqay yau qeman, yau niRiyasan niaq tu qanengi saqaqanan ta qemadanan qaya, maken qanengian na qenabinusan.

pababaliwan tu tamun nani ta ussiq maRung ay lazan, babaliw tu naququni ay tamun, Ribang, usisiqan niaq tumqez temitita, niana baliwan na, pataz matiw ta pababaliwan tu tamun tatezuma nitaytan niaq tu nibaliw na Ribang, yau a nibaliw na Ribang mai imi tumayta, Raqana melizaq imi masulun tu tina ku matiw ta pababaliwan tu tamun, kulisengan niaq pababaliwan tu tamun semaqay kemuliseng qakelisa ussiq dukian.

yau zuma Rayngu masulun suani ku, yau baliw tu tamun ay lazat mipil timaikuan, mai masulun qaqa su setangi deddanan yu! ipilan ku qayRuzik anem ku melizaq, qaqa ma taytan suani ku! puliya, maipil na suani ku, azu ipilan na qataRaw ti anem na.

106 年全國語文競賽原住民族語朗讀【噶嗎蘭語】 國中學生組 編號 2 號
陪媽媽買菜

每星期日是我與妹妹最高興又期待的日子,早上可以跟著媽媽到菜市場買菜,我與妹妹負責點菜跟提菜,媽媽只負責付錢。媽媽說她只有星期日買菜最輕鬆,有人幫她提菜。

我們三個邊散步邊聊天。走到菜市場,我跟妹妹每星期日買菜老是在爭蔥、蒜、韭菜,這三樣菜到現在還是分不出來,所以市場的人幾乎都認識我們。星期日是我跟妹妹點菜的日子,可以各自點想吃的菜,媽媽會煮給我們吃。有時看到現成的小點心,跟媽媽說一聲,我們就可以邊走邊吃,還可以買下午的點心吃的,真是一大享受。 

菜市場是一條很長的街,賣各式各樣的東西,我們幾乎每一攤都停下來看看,每次到菜市場都會看到不一樣的東西,賣的東西有的從來沒見過,所以很喜歡跟媽媽到菜市場,在菜市場繞一圈就要一小時的時間。

有時妹妹無法跟來,還有菜販問我,姐姐今天沒跟來唷!聽了心裡偷偷的感到高興,原來妹妹看起來比我老啊!還好,沒有被妹妹聽到,她聽到一定會很難過。

文章資訊
文章年度106
文章編號2
文章組別國中
文章語別噶嗎蘭語
族語標題sikaput ti tinaan meRasa tu tamun
漢語標題陪媽媽買菜
文章作者潘秀蘭
漢語摘要