105 年全國語文競賽原住民族語朗讀【噶嗎蘭語】 國小學生組 編號 4 號
qaqelizaqan ay dedan

setangi dedan, qaqelizaqan ku ay dedan, qatiw pa iku qalabu simsuqas tu sikawman na kebalan, taRbabi semuRap, inaRan na ti iku na bai ku, ngid pama iku qaynep, wanayka siRab qaRabi sanuan ku ti bai ku tu inaRa iku, tangi azu mai pama iku ngid qasuwat, mai ti iku zazam tu qatiwan simsuqas, qasukaw ti anem ku ti baian, yau qaya padames qasukaw ti anem ku qaya, melalazuk ti iku masuwat, menuwazing tu Raybang ku, mezukat ti iku melana tu patudan.

ta qitunan na pasa simpeise, mazemun ti lazat, ta qitunan yau lazat satezay, yau lazat sikawma metawtawa, kikiyama, maseq ti imi ta qaizuanan na simsuqasan taqsian, azasan na imi paazasan ta qaizuanan niaq hibang, ta tati na taqsian mazemun ti lazat, niz ti siqudus tu tungus na qaniyau ay qudus, melana tu simsuqasan, qasiR ti nidutiq na anem ku, temuqaz iku ta satudan miRi ta babaw ta qaizuanan na simsuqas, niz pasazi ta maikuan mata na patudan seRai pataqsian temayta, padames ti nidutiq na anem ku, wanayka, padames iku metaRuz mai maytis meliam, temuzus tu tuRuz na mulpun melian, sumniz iku nizi ta babaw piqpiqan na iku na kaput ku tu lima, nengi ti anem ku qaya.

semanu patudan nani, nizu nengi niliyam niaq, wanayka, Raynguan niaq pama uatani tinsu niaq, temuzus tu Rabi ti, paazasan patudan semanu ti tu tinsu, qasiR nidutiq na anem niaq meniz, maipil niaq kebalan cungceng kitut ay taqsian mala tu tiimin zin na, Rusiangatu mai sazemaken anem ku, maken maqezaq ti nani melilizaq ti iku medudutiq, Raqana, tangi nani qalizaqan ku ay deddan.

105 年全國語文競賽原住民族語朗讀【噶嗎蘭語】 國小學生組 編號 4 號
最快樂的一天

今天,是我最快樂的一天,因為我要去參加全國噶瑪蘭族朗讀比賽,一大早奶奶就叫我起床,雖然我還想睡覺,但昨天晚上已經求奶奶一大早叫起床,這時如果再賴床,而趕不上比賽的話,不但對不起奶奶,更對不起我自己,於是我馬上起床,整理行李後,就出來等老師。

前往新北市的車上,已經很多人,車上有人唱歌有人說笑,不一會兒,就到舉辦比賽的學校,接著領隊就帶我們去休息室,教室外已經是人山人海,大家換上自己族服等待比賽,我心跳加速,進入比賽的教室,並且登上講台,老師和同學都對著我看,這時我更緊張,不過,我鼓起勇氣的朗讀了起來,直到結束,得到台下同學掌聲熱烈,我的心情也舒坦許多。

老師說:「我們都很棒,但是,成績尚未得知」到了傍晚,領隊老師公布成績,大家心裡很緊張,當聽到噶瑪蘭族忠貞國民小學第一名時,一開始我不相信,直到確認是第一名時,我高興地跳了起來,今天是我最快樂的日子。

文章資訊
文章年度105
文章編號4
文章組別國小
文章語別噶嗎蘭語
族語標題qaqelizaqan ay dedan
漢語標題最快樂的一天
文章作者江素珍
漢語摘要