107 年全國語文競賽原住民族語朗讀【噶嗎蘭語】 國小學生組 編號 3 號
tulisan ku

melizaq iku temulis, melizaq iku temayta tu ’daq temulis qaya, melizaq iku tu nitulisan ku qaya, wanayka nitulisan na ’daq nizu nengi taytan, nizu qaRebuan na ’daq ay tulis, nitulisan ku ay nianiana, mai tu lazat meRebu semanu tu nengi, azu maken ngid Rebu ’daq, qanaquni, Raynguan ku tu qanaquni iku semani, pameng iku metawa tu quniyakita, mazemun lazat nizu semanu, maken mai isu quman tu babuy, tumauta isu tu semaqay babuy. wanayka, tulis ka tu ussiq baby zin na mai nengi nitemulis ku.

wannma babuy niana ’nay manna meRayngu? tulusan ku tu ussiq kitut ay mamitulun, ta teReq na mitulun tulisan ku tu uzusa tunek saunungan na, ta kitut ay mitulun tulisan ku muman tu Raya tu kiya ay mitulun, tulisan ku tu matutumis ay kayal ta babaw, ta Raya tu kiya ay mitulun tunekan ku tu uzusa mata na ’nay, ta tati na Raya tu kiya ay mitulun, mumana iku temulis tu Raya ay mamitulun, zau nani izip na babuy, tuRuz na tulisan ku tu liqud, mulepun ti ussiq babuy. timangu semanu patudan, niana zau? mai sasetaR tu babuy ussa babuy nitulisan ku zin na.

qatawan zin na patudan seRai kaput ku, wanayka qawqawman melizaq iku temulis. melizaq iku semanu patudan tu tulis ka tu aneman numi ay, nazau qawka nengi iku temulis tu aneman ku ay, temulis iku tu tanem, temulis ku paRaman, temulis ku simau, yau qaya temulis iku tu nasan na taqsian, wanayka semanu patudan nitulisan ku zau qenataqan ay qaizuanan.

yau qelisa semanu patudan, tulis ka tu madded ta kinilan su ay, tulis ika tu bilu ay zin na, timangu dadadas nitulis ku tu qenabalang ku, tenes qumnut taka sikawma timaikuan, mazemun semasu tu sukaw taytan nitulis ku, wanayka qawqawman melizaq iku temulis.

107 年全國語文競賽原住民族語朗讀【噶嗎蘭語】 國小學生組 編號 3 號
我的畫

我喜歡畫畫,不但喜歡看別人畫,也喜歡自己畫,只是我畫出來的東西很難得到稱讚,人說沒吃過豬肉,也看過豬走路。然而,我卻連一隻豬都畫不好。

我畫一個小圈,圈裡點了兩點,當是豬鼻子,小圓圈外畫一個中圓圈,上面畫上尖尖的耳朵,再點兩點當豬眼睛,再畫上一個大圓圈,這是豬身體,最後在大圓圈外畫上尾巴,一隻豬就完成了。結果老師的評語是:「這是什麼?」

大家都說我畫的畫很好笑,但我對畫畫的熱情依舊不減。我最喜歡自由畫,這是我發揮創意的時候。我畫過墓地、牧場和花,也畫過學校操場,但老師說我像被廢掉的部落。

還有一次,老師教我們素描坐在旁邊的同學,我把同學畫得太醜,讓他有段時間不願意跟我說話。儘管大家都說我畫的太難看,我還是喜歡畫畫。

文章資訊
文章年度107
文章編號3
文章組別國小
文章語別噶嗎蘭語
族語標題tulisan ku
漢語標題我的畫
文章作者潘秀蘭
漢語摘要