106 年全國語文競賽原住民族語朗讀【噶嗎蘭語】 國小學生組 編號 1 號
yau ussiq wasu niaq

ta damuan nizu yau niqudu na tu wasu, yau pa salawan, yau pa lingian tu leppaw, yau niqudu niaq ussiq wasu qaya, ti anni nangan na, maRung ngibiR na, Raya kayal na, Raya mamitulun mata na busaR ay banus na, qaqelizaqan aizipna.

titu pama nani taqa na walinan na ti na ’daq, qazuzusan nizu luzit izip na, alan na qaqa ku patanan qemudu, temuzus tu setangi Rabting yau uzusa ti tasawan matapu timaimian, suppaR manmu meRibun tu leppaw, azu yau imi ta leppawan temita tu tilibi yau ta pispisan maded maynep, qemang nani melikenng maded ta libeng na takan, supaR mipli tu sikawman na lazat, Raqan na mlizaq imi ti maizipan na.

ti anni nengi ay pa lingian tu leppaw wasu, pitemawaR taRbabi minaR tu tina ku, azu mai masuwat tina ku kungkungan na ineb, azu nengi deddan azasan na tina ku pasa kungyen semaqsaqay, semanu tina ku; mai azasan ta melusit semaqsaqay pasimtayta tu kaput na qataRaw wasu qaya, paunduan ta qawka bakes pa izip na” yau zuma, Rayngu sanuan, mai ti azasan niaq sakungyen qumnut ti qemaRat ti tu zepu, au au zin na Raytunguz suppaRan ta ti tu sukaw ti anem na, azasan na ti na tina ku uu qaqa ku  semaqsaqay.

yau ussiq deddan, paqenanem melusit semaqsaqay mai ti temanan, melaziw ti tu utatani deddanan, melaydaw ti imi saleppawan, yau ti ta wangluan qaqa ku pakilin ti tu ’daq, mekala ay lazat bulan tu kelisiw, tuRuz nay au ta wangluan nengi ay anem na lazat tu nguan na pa sa paquduan tu wasu, ipilan na qaqa ku seRsi aiku melalazuq ti imi matiw mazas pa tanan, unay siangatu mai tu mazas ay mai ti palusitan niaq, mai pa maqamay muman, pa siitusan niaq ti tu sanangan ay itus.

106 年全國語文競賽原住民族語朗讀【噶嗎蘭語】 國小學生組 編號 1 號
我們家的狗

在部落每戶人家都有養狗,有的是獵狗,有的是看家狗,我有一隻狗名叫安妮,長長的嘴,大大的耳朵,還有一雙水汪汪的眼睛、全身白白的毛,很可愛。

牠是一隻剛出生就被遺棄的狗,滿身上髒兮兮還帶著傷,一副可憐的樣子,被姊姊帶回來,從小就和我們生活,一過就是十幾年,如果,牠會幫忙顧家,當我們在家看電視時,就會安靜地坐在門口睡覺,我們在吃飯時,也會安靜坐在桌子下面,好像聽得懂人話,所以大家都很疼牠。

安妮,像是我們的管家,每天早上很準時叫我媽起床,如果媽媽沒起床,還會不停地敲門,天氣好時,媽媽都會牽牠到公園散步,媽媽說「不帶牠走走交朋友,狗也會生病的,要運動才會健康」,有時候,牠也很頑皮,不牽牠出去,也會生氣或不高興就會咬拖鞋,而且一直吠不停,媽媽或姐姐就會帶牠去玩。

有一天,自己溜了出去失蹤好幾天,大家都難過的吃不下飯,姐姐也上網賞金搜尋,最後在網路上發現被好心人送到動物之家,我和姊姊就很快速地到動物之家把他接回來,從此以後,不再獨自讓牠出去,避免再度失蹤,就在牠身上掛了有名字的項鍊。

文章資訊
文章年度106
文章編號1
文章組別國小
文章語別噶嗎蘭語
族語標題yau ussiq wasu niaq
漢語標題我們家的狗
文章作者江素珍
漢語摘要