Ptasan dqras snaw balay
Kana ka seejiq tnpusu Taywan ga, ida niqan Gygaya dha nanaq kana. Manu ka Seejiq balay o niqan ka Gaya ptasan dqras ksun, saw ka asi ka ptasan dqras kika hici do maa seejiq balay da.
Kiya ka kiya ni ptasan dqras dsnaw ni dqrijil ksun o ida ini ktna ka pusu bi neuda dha seangal dha ptasan dqras wah! Dqrijil o asi ka mkla tminun, kika tduwa ptasan dqras. Dsnaw o asi ka mnangal tunux pais ni mkla musa lmiqu, kika tduwa ptasan dqras.
Quri saw ptasan dqras snaw Seejiq balay ksun ga, msa ka kari rdrudan alang “ Rudan seuxal o asi ka mnangal tunux pais, asi ka mkla musa lmiqu, kika tduwa ptasan dqras.” Ida Gygaya rudan sbiyaw ka mangal tunux pais. Ana nanaq sbiyaw, ana nanaq sayang o ini ksi naqih ni malu ka uuda nii, yaasa pusu bi gaya Seejiq sbiyaw ka nii.
Babaw dxgal Taywan o niqan egu knklgan seejiq, ida msppais balay ka dhiya sbiyaw. Mniq dgdgiyaq siida o yasa ini ptkla, ida niqan nanaq ayus dha, ini khmuc musa mrmux nniqan dha. Kiya ni rudan sbiyaw ga nasi knhmuc musa mrmux nniqan dha do asi pseangal tunux. Pusu dha balay o gaga qmlahang nniqan dha, qmlahang ndxgal dha, qmlahang kana ka qnpahan, ddupan, dgdgiyaq, qqhuni, eyyayung ni eyeayug… dnii, ida dha qlhangun balay kana wah! Ini saw sayang pqqita balay, ptkla ni msblaiq balay kana ka sjiqan babaw dxgal Taywan da.
Kingal uri o asi ka mkla musa lmiqu, kika tduwa ptasan ka dqras snaw. Sbiyaw o mniq dgdgiyaq ungac saan marig uqun, asi ka smtama dsnaw musa lmiqu mangal ssamac, kika niqan uqun ka tnsapah, kika tduwa mlutuc ka knudus ksun. Musa lmiqu asi ka niqan pahung, asi ka mdrumuc balay, asi ka mgaya uri, kika mangal bi saan dha lmiqu.
Kiya ni ptasan dqras ksun o ida niqan dha ka pusu na balay. Tgkingal o ida Gaya bi rudan Seejiq sbiyaw ka nii, kiya ka pgkla sjiqan “manu balay ka pnskrayan na Seejiq balay hug?” Tgdha o maa tghdu bi kingal seejiq dni msrisaw balay da, ida tduwa mangal qrijil dni tduwa phiyug nanaq kingal tnsapah da, plutuc knudus seejiq ksun.
我們賽德克族男性的紋面
我們賽德克族是擁有文面的民族,賽德克人就一定要有文面,男的要獵獲敵首成功而歸才能夠獲得文面的資格。我的祖父是這麼傳述的:
以前我們的祖先是,一定要獵獲敵人首級的男子才給予文面。至於文面的意義大概有兩個意涵,其一是我賽德克族的祖訓(Gaya),是在宣示「我是賽德克族」的標記;其二表示已成年可以娶媳婦了。即使今天我們已不再擁有獵取敵首的族律,一定要清楚的知道獵取敵首的原意,並牢記在你們心底,因為我們是賽德克族。