105 年全國語文競賽原住民族語朗讀【四季泰雅語】 國中學生組 編號 2 號
Cn ’ringan kinblayan cinbwanan qa Utux kayal

knkyan ta ana nanu kinbleqan na yaw ga knahun Utux kayal qabax. knalay nya wagi, miq cnyaxan ita, wayal nya skblayun byaling ro knituh uyi, ana gbyan ga maki cyax nya. Utux kayal skbalay cinbwana qani, miq kki’ an ita. Ana ga wagi, byaling, knituh ro cinbwan kki’ an ta qani ga iyat cin ’ringan qqaya qa kinblayan na Utux kayal.

qbaqun su nanu sga inringan kinblayan na Utux kayal? Cin ’ringan kinblayan na Utux kayal ga pisan rinqyesan nya nanak, ita cquliq ga init a huyay ktayux, pisan ini ta thyaiy ktayux rqenas na Utux uyi. maki k’ iyik na Sesyo ga tnu na Utux ’san ta lalu nya, Utux skbalay tnu nya, stnu naha msqun ita qa sqyanux te qalang kayal.

te qutux tnu qa kinblayan Utux ga minanak calay, hiya ga qbsuyan laqi nya, gmlga yaba kayal msqun mtiyaw, pinrrax nya Utux skbalay bbinah na qqaya, pinrrax nya Utux skbalay wagi, byaling, knituh ro cinbwanan kki’ an ta, cin ’ringan ga maha nanu qa rnqyasan na cinbwanan qani, t’ aring ga ini thyayiyskaki kya ccquliq. S’ unan bcilung nanak ro maki iyik na bcilung kya qa rroq hiya, ru ungat anan nanu qqaya la. ana ga innglung na Utux kayal ga siyan nya ita ccquliq ga huyay mqyanux kya. nanu mica lmun nya pinnbaq skbalay mllamu na qqaya miq ita. Nanu na yaw sptyaw nya yaw ta qa Utux?

in ’ringan ga, cinbwana ga smoyan maki cyax, nanu mica spcyaxan nya cyax wagi squ cinbwanan qani, ro stbcyan nya qlyan ru gbyan qa cinibwanan qani, babaw nya laga shtux nya babaw bcilung qa rroq na cinbwanan qani la.

in ’ringan, babaw rroq cinbwanan qani ga uka ana nanu, uka phpah, k’ man, qqhuniq babaw rroq na cinbwana, uka qsinux ru qhniq pplaka, ana bcilung kya ga uka qqulih nya uyi na. nanu mica, musa kpiyux calay pptyawun na yaw qa Utux kayal na, musa thyayan sqyanx kya qqsinux ro mblaq kki’an kya qabax ccquliq.

105 年全國語文競賽原住民族語朗讀【四季泰雅語】 國中學生組 編號 2 號
上帝開始創造萬物

我們享有的一切美物都是來自於上帝。他造了太陽,供給我們日光;也造了月亮和星星,使我們晚上有點光。上帝造地球給我們居住。但太陽、月亮、星星和地球並不是上帝最先創造的東西。你知道上帝最先造的是甚麼嗎?上帝首先創造了一些好像自己的生物。我們看不見這些生物,就像我們看不見上帝一樣。在聖經裏,這些生物稱為天使。上帝創造了天使,讓他們跟他一起生活在天上。

上帝造的第一個天使非常特別。他是上帝的長子,跟天父一起工作。他幫助上帝創造其他東西。他幫助上帝創造太陽、月亮、星星和我們的地球。當時地球是甚麼樣子的?起初沒有人能夠生活在地球上。除了有一片大海覆蓋着陸地之外,就沒有其他東西了。但上帝很想有人生活在地上。於是他為我們準備各樣東西。他做了些甚麼事呢?

首先,地球需要有光。因此上帝使太陽的光照到地上來,並且使地球有晝夜的分別。後來上帝使陸地從海水裏露出來。

起初,陸地上甚麼也沒有。地上沒有花草樹木,也沒有飛禽走獸,甚至海洋裏也沒有魚。所以,上帝還有許多工作要做,才能使地球成為適合動物和人類居住的好地方。

 

[本篇文章出處:出自聖經:耶利米書10:12;歌羅西書1:15-17;創世記1:1-10)]

文章資訊
文章年度105
文章編號2
文章組別國中
文章語別四季泰雅語
族語標題Cn ’ringan kinblayan cinbwanan qa Utux kayal
漢語標題上帝開始創造萬物
文章作者江明清
漢語摘要